Landsliðsmaðurinn Guðmundur Kjartansson (2458) tefldi tvær umferðir í dag á Northumbria Masters Í Newcastle, Englandi. Guðmundur er stigahæstur af 28 keppendum. Aðrir stórmeistarar á mótinu eru hinir geðþekku Englendingar Keith Arkell (2373) og Danny Gormally (2447).
Í fimmtu umferðinni, þeirri fyrri í dag, mætti Guðmundur Skotanum Ubong Archibong (2085). Guðmundur náði sér í sigur í þeirri skák sem setti upp uppgjör við Danny Gormally sem hafði vinningsforskot á Guðmund.
Guðmundur þurfti sigur með svörtu í sjöttu umferðinni til þess að ná Gormally en sá enski gaf ekki færi á sér og jafntefli varð niðurstaðan.
Gormally er því efstur með 5 vinninga af 6. Guðmundur er jafn nokkrum í 3. sæti með 4 vinninga.
Í sjöundu umferðinni mætir Guðmundur Englendingnum Matthew Forster (2045)
