Skólaskákmót Norðurlands eystra fór fram á Akureyri í gær, 10. apríl. Alls mættu 20 keppendur til leiks í þremur aldursflokkum. Aðeins sex skólar sendu keppendur til mótsins sem verður að teljast heldur slakt og bersýnilegt að skólaskákin er í lægð hér á svæðinu um þessar mundir. Um leið er ástæða til að hrósa þeim sem ákváðu nú að taka þátt, ekki síst þeim sem komu um langan veg til að iðka þessa göfugu íþrótt.

Fyrst var teflt í yngsta flokki 1-4. bekk. Þar voru sex kappar mættir og baráttan um efsta sætið tvísýn og réðist ekki fyrr en í lokaumferðinni:

Fannar Breki Svansson Brekkuskóla 2016 1 ½ 1 1 1 4,5
Rósant Ari Salvarsson Brekkuskóla 2016 0 1 ½ 1 1 3,5
Blær Thoroddsen Brekkuskóla 2018 ½ 0 0 1 1 2,5
Gabríel Geir Sigurgeirsson Oddeyrarskóla 2016 0 ½ 1 0 1 2,5
Andri Fannar Gíslason Brekkuskóla 2016 0 0 0 1 1 2
Birnir Óskar Bjarnason Valsárskóla 2019 0 0 0 0 0 0

Flestir mættu til leiks á miðstigi, 5-7. bekk. Þar voru tefldar sex umferðir og má segja að úrslitin hafi ráðist í skák Nökkva Más og Hörpu Hrafneyjar. Þar var lengi tvísýnt um úrslit en á endanum hafði Nökkvi betur:

Nökkvi Már Valsson Brekkuskóla 2015 6
Harpa Hrafney Karlsdóttir Lundarskóla 2013 5
Björgvin Elvar Björgvinsson Brekkuskóla 2015 4
Egill Eggertsson Brekkuskóla 2013 4
Ingvar Smári Albertsson Þórshafnarskóla 2015 3
Frosti Snær Ingason Oddeyrarskóla 2015 3
Elías Steinarsson Lundarskóla 2014 3
Dominik W Wielgus Oddeyrarskóla 2015 3
Sigurbergur Axelsson Þórshafnarskóla 2014 2
Benedikt Halldórsson Þórshafnarskóla 2014 2
Viktor Smári Eyjólfsson Valsárskóla 2015 1

Á unglingastigi (8-10. bk)mættu þrír vaskir piltar til leiks og er reyndar þessi elsti flokkur iðulega fámennastur. Þeir tefldu tvöfalda umferð um sigurinn. Gekk þar á ýmsu en að endingu naut Sigþór Árni reynslu sinnar og vann allar skákirnar:

Sigþór Árni Sigurgeirsson Oddeyrarskóla 2011 4
Kristian Mar Bernharðsson Síðuskóla 2011 2
Jökull Máni Viðarsson Brekkuskóla 2010 0
- Auglýsing -