Fréttir

Lokaumferðin hefst kl. 6: Albanía og Litháen

Eftir

27. september, 2026

117

Ellefta og síðasta umferð Ólympíuskákmótsins í Samarkand hefst kl. 6 að íslenskum tíma Andstæðingar dagsins eru Albanía í opnum flokki og Litháen í kvennaflokki. Hannes Hlífar og Hallgerður Helga hvíla.

Liðið í opnum flokki steinlá fyrir Danmörku ½–3½ í gær. Vignir, Hilmir og Guðmundur töpuðu en Jóhann gerði jafntefli. Liðið er með 12 liðsstig og 24 borðstig og er í 48. sæti.

Kvennaliðið gerði 2–2 jafntefli við Írland. Iðunn og Hrund unnu, Lenka og Hallgerður töpuðu. Liðið er með 11 liðsstig.

Opinn flokkur: Ísland – Albanía

Borð	Ísland	stig	Albanía	stig
1	GM Vignir Vatnar Stefánsson	2531	IM Franc Ashiku	2388
2	IM Hilmir Freyr Heimisson	2342	IM Dritan Mehmeti	2312
3	GM Jóhann Hjartarson	2461	FM Mateu Boci	2317
4	GM Guðmundur Kjartansson	2402	FM Aleksander Xhembulla	2292

Vignir er með 6½ af 10 og fær svart. Hilmir fær hvítt, Jóhann svart og Guðmundur, sem er með 5 af 7, hvítt á fjórða borði.

Kvennaflokkur: Ísland – Litháen

Borð	Ísland	stig	Litháen	stig
1	WGM Lenka Ptácníková	2082	WGM Salomėja Zaksaitė	2101
2	WFM Guðrún Fanney Briem	1865	WIM Simona Limontaitė	2130
3	WCM Iðunn Helgadóttir	1869	Agnė Mickūnaitė	1977
4	Hrund Hauksdóttir	1817	WFM Marija Sibajeva	1985

Guðrún er með 6 af 9. Iðunn er með 5 af 8, Hrund 4½ af 5.

Toppbaráttan

Opinn flokkur. Úsbekistan er í forystu með 18 liðsstig og 9 sigra af 10. Indland hefur 17 stig. Þýskaland, Úkraína og Ungverjaland hafa 16. Í lokaumferðinni mætir Úsbekistan Úkraínu, Indland teflir við Ungverjaland.

Kvennaflokkur. Kína er í forystu með 18, Kasakstan 17. Indland, Pólland og Víetnam hafa 16. Kína mætir Víetnam, Pólland teflir við Kasakstanog Indland við Georgíu.

Nona Gaprindashvili-bikarinn fer til þess sambands sem stendur sig best samanlagt í opnum flokki og kvennaflokki.

Staða Íslands í flokkum

Liðin eru flokkuð eftir upphafssæti. Opna liðið (sæti 48) er í B-flokki, kvennaliðið (sæti 80) í C-flokki. Þar eru sérstök flokksverðlaun.

Eftir tíu umferðir er opna liðið í 12. sæti í B-flokki, með 12 liðsstig og 24 borðstig. Víetnam og Mongólía leiða flokkinn með 14.

Kvennaliðið er í 2. sæti í C-flokki, á eftir Srí Lanka (14). Ísland er með 11 liðsstig og 25 borðstig, jafnt Panamó, Albaníu og fleirum á 11, en með bestu aukastigin á eftir Srí Lanka. Góð úrslit gegn Litháen myndi að öllum líkindum tryggja verðlaun

Vefsíður til að fylgjast með