Hraðskákmót Taflfélags Reykjavíkur verður haldið í húsnæði félagsins að Faxafeni 12 miðvikudaginn 24. september kl. 18:30. Tefldar verða 9 umferðir eftir svissnesku kerfi og er umhugsunartíminn 4 mínútur auk þess sem 2 sekúndur bætast við eftir hvern leik (4+2). Mótið verður reiknað til alþjóðlegra hraðskákstiga.
Þátttökugjald er 1.000kr fyrir 18 ára og eldri, en 500kr fyrir 17 ára og yngri – greiðist með korti eða reiðufé á staðnum. Félagsmenn TR sem eru 17 ára og yngri fá frítt í mótið. Verðlaun verða veitt fyrir þrjú efstu sætin auk þess sem krýndur verður Hraðskákmeistari Taflfélags Reykjavíkur.
Oddastig
- Buchholz – 1
- Buchholz
- Sonnobon berger
- Innbyrðis úrslit
Ekkert skráningarform. Skráning fer fram á staðnum og eru þátttakendur beðnir um að mæta tímanlega á skákstað.
Að loknu hraðskákmótinu fer fram verðlaunaafhending fyrir Haustmót Taflfélags Reykjavíkur.
