Faxafen 12
108 Reykjavík
Ísland
Benedikt Briem býður krökkum áhugasömum krökkum á skáknámskeið í húsnæði Skákskóla Íslands dagana 10.-14. júní nk. Tímar hefjast kl. 9 og lýkur á hádegi kl. 12 alla virka daga í næstu viku. Skákskóli Íslands leggur til húsnæði og alla aðstöðu en öðru leyti er verkefnið skipulagt af Benedikt sem hefur kallað sér til aðstoðar hinn þrautreynda skákkennara, Ingvar Þ. Jóhannesson.
Benedikt Briem er í hópi öflugustu ungu skákmanna Íslands og hefur víðtæka reynslu af kennslu og þjálfun ungmenna. Hann er m.a. vefstjóri hjá VignirVatnar.is og hefur mikla þekkingu á hugbúnaði þeim sem nýtist skákmönnum best, Chessable og Chessbase, svo dæmi séu tekin.
Meðfylgjandi er kynning á dagskrá sem er m.a. byggð upp með svipuðum hætti og sú sem skákdeild Breiðabliks notast við á sumarnámskeiðum sínum.
