Soffía Arndís Berndsen, sem teflir í flokki stúlkna 10 ára og yngri, vann sína skák í sjöundu umferð EM ungmenna í dag. Vignir Vatnar Stefánsson (2260) gerði jafntefli við danska FIDE-meistarann Filip Boe Olsen (2368). Aðrar skákir Íslendinga töpuðust.
Vignir er efstur íslensku keppendanna en hann hefur 4½ vinning. Vignir mætir ísraelska FIDE-meistaranum Or Globus (2402) á morgun en sá er fimmti stigahæsti keppenda flokksins. Eins og í dag munar aðeins einu borði að Vignir verði í beinni.
Gunnar Erik Guðmundsson (1579), sem teflir í flokki 12 ára og yngri, hefur 3½ vinning, Anna Katarina Thoroddsen (1081), sem teflir í sama flokki og Soffía hefur 2½ vinning. Soffía og Arnar Milutin Heiðarsson (1749), sem teflir í sama flokki og Vignir hafa 2 vinninga.
Upplýsingar um árangur íslensku keppendanna má finna á Chess-Results.
- Heimasíða mótsins
- Chess-Results
- Beinar útsendingar (kl. 12:15)
