Lokamótið í mótasyrpu Magnúsar Carlsen hefst í dag á Chess24. Þeir fjórir sem náðu bestum árangri í hinum fjórum mótunum áunnu sér keppnisrétt í lokamótinu. Það eru auk Magnúsar, sem vann þrjú mótanna, Daniil Dubov, sem vann Lindores Abbey-mótið, Hikaru Nakamura sem komst tvisvar í úrslit og Ding Liren sem komst þrívegis í undanúrslit.

 

Nánar um mótið á Chess24.

Carlsen mætir Ding Liren í undanúrslitum. Dubov og Nakamura mætast í hinu einvíginu. Undanúrslit fara fram 9.-13. ágúst.

Sama fyrirkomulag verður og í mótinu hingað til nema að einvígin verða lengri. Allt að fimm einvígum í undanúrslitum (sá vinnur sem fyrr vinnur 3 einvígi) og allt að sjö einvígum í úrslitum (sjá vinnur sem fyrr vinnur fjögur einvígi). Úrslitin fara fram 14.-20. ágúst.

Tefldar eru fjórar atskákir (15+10). Ef jafnt þá eru tefldar tvær hraðskákir (5+3). Ef enn jafnt þá er tefldur bráðabani (hvítur hefur 5 og en svartur 4) þar sem svörtum dugar jafntefli til sigurs.

- Auglýsing -