Barna- og unglingastarf í skák er nýhafið eða rétt að hefjast hjá skákfélögum landsins. Skák.is hefur safnað upplýsingum um starfsemina í vor sem finna má hér að neðan. Nánari upplýsingar má finna svo finna í tenglum hjá viðkomandi skákfélögum.
Landssambönd
Skáksambands Íslands
Heldur regluleg Íslandsmót og mun bjóða upp á Skólanetskákmót Íslands í vetur. Upplýsingar um mót SÍ má finna á skak.is og hjá skákfélögunum.
Nánar á skak.is.
Skákskóli Íslands (Faxafeni 12)
Boðið er upp grunnnámskeið á laugardögum kl. 12:15. Einnig er boðið upp á stelpunámskeið á mánudögum kl. 17 í Breiðabliksstúkunni. Skákskólinn er svo með framhaldsnámskeið fyrir þá sem eru lengra komnir.
Nánari á heimasíðu Skákskólans.
Höfuðborgarsvæðið
Taflfélag Reykjavíkur (Faxafeni 12)
Boðið er upp á fjölbreytta starfsemi á laugardögum. Manngangskennslu, byrjendaæfingar og stúlknaæfingar. Í miðri viku eru svo framhalds- og afreksflokkar.
Nánar á heimasíðu TR.
Skákdeild Breiðabliks (Glersalurinn við Breiðabliksvöll)
Boðið er upp á æfingar fyrir 1. bekk og yngri, 2.-3. bekk og 4. bekk og eldri. Auk þess eru sérstakar afreksæfingar og framhaldsflokkar. Æfingar eru alla virka daga og er æfingaframboð það mesta á Íslandi eða 15klst á viku.
Nánar á heimasíðu Breiðabliks.
Skákdeild Fjölnis
Skákæfingar Fjölnis alla fimmtudaga í Rimaskóla frá kl. 16.30-18.00. Æfingarnar eru í samstarfi við Skákskóla Íslands og ætlaðar öllum börnum og unglingum á grunnskólaaldri. Æfingarnar eru ókeypis. Skákkennsla, skákmót, verðlaun og veitingar.
Nánar á Facebook-síðu Fjölnis
Skákdeild KR (KR-heimilið)
Boðið er upp á æfingar á sunnudögum kl. 11. Manngangskennslu á milli 12:30-13:00.
Nánar á Facebook.
Taflfélag Garðabæjar (Flataskóla)
Taflfélag Garðabæjar er með æfingar fyrr börn í 1.-3. bekk kl. 15-16 á föstudögum og fyrir 4-7 bekk kl. 16-17. Æfingarnar eru í Flataskóla, stofu 114.
Víkingaklúbburinn (Víkingsheimilið)
Boðið er upp á æfingar fyrir 14 ára og yngri alla mánudaga á milli 17:15-18:30.
Landsbyggðin
Skákfélag Akureyrar (íþróttahúsið – norðursalur)
Boðið er upp á æfingar á mánudögum fyrir yngri börn og byrjendur, fyrir framhaldsflokk á þriðjudögum og föstudögum og opinn tími fyrir báða flokka á miðvikudögum. Mánudagsæfingin er kl. 17.30 og hinar æfingarnar kl. 16.00. Hver æfing stendur í 90 mínútur.
Skákfélags Selfoss og nágrennis (Fischersetur)
Boðið er upp á námskeið í samvinnu við SSON og Fischersetur er á laugardögum kl. 11-12.30 í Fischersetri.
Taflfélag Vestmannaeyja (Heiðarvegi 9 – skákheimili TV)
Boðið er upp á æfingar á mánudögum og fimmtudögum.
Opin æfing fyrir alla sem vilja kl 16:30 – 17:30.
Æfing fyrir lengra komna kl 17:45 – 18:45.
