Henrik tekur við sigurlaununum. Mynd; Heimasíða mótsins.

Nóg er að gera hjá íslenskum stórmeisturunum þessa dagana. Við höfum þegar sagt frá þátttöku Hjörvars á Heimsbikarmótsinu í Sochi hér á Skák.is.

Henrik Danielsen (2516) vann langt-helgarskákmót sem lauk í Köge í Danmörku í gær. Henrik hlaut 8 vinninga í 9 skákum. FIDE-meistarinn Hilmir Freyr Heimisson (2352) varð í 5.-11. sæti með 6 vinninga.

Henrik hækkar um 5 fyrir stig fyrir frammistöðu sína en Hilmir lækkar um 8 stig.

54 keppendur tóku þátt. Henrik var stigahæstur keppenda en Hilmir var fjórði í stigaröð keppenda.

Stórmeistarinn, Hannes Hlífar Stefánsson (2517) teflir alþjólegu móti í Prag í Tékklandi. Hannes vann stórmeistarann Vitezlav Rasis (2437) í annarri umferð og hefur fullt hús.

Um er að ræða 10 manna lokaðan flokk. Meðalstigin eru 2388 skákstig og er Hannes stigahæstur keppenda.

Guðmundur Kjartansson (2496) teflir á minningarmóti um Najdorf sem fram fer í Varsjá í Póllandi.

Gummi hefur 1½ vinning eftir 2 umferðir.

Um er að ræða 174 manna flokk og er Guðmundur níundi í stigaröð keppenda.

- Auglýsing -

TENGDAR GREINARFLEIRI FRÉTTIR