Skákfélag Selfoss og nágrennis vann í 4. umferð EM taflfélaga sem fram fór í gær. Taflfélag Reykjavíkur og Víkingaklúbburinn töpuðu. SSON hefur 6 stig og er í 10. sæti. TR hefur 4 stig og er í 18. sæti og Víkingaklúbburinn hefur 2 stig og er í 36. sæti. SSON mætir rússneskri ofursveit í dag.
SSON vann sannfærandi 4-2 sigur á sænsku sveitinni Stockholms SS. Alexander Donchenko, Anton Demchenko og Semyon Lomasov unnu.
Taflfélag Reykjavíkur tapaði fyrir minnsta muni gegn heimamönnunum Gambit Asseko. „Viskualdurinn“ stóð fyrir sínu en Oleksandr Sulypa og Margeir Pétursson unnu sínar skákir.
Víkingaklúbburinn tapaði með minnsta muni gegn heimamönnunum í sveitinni Gostivar. Tómas Björnsson var sá eini sem vann.
Fimmta umferð hefst kl. 13 í dag. SSON verður í beinni gegn næststigahæstu sveit mótsins, rússneska klúbbnum KPFR.
TR teflir við sænsku sveitina Lunds og Víkingar mæta dönsku sveitinni Nordkalotten.
