Stórmeistararnir Helgi Áss Grétarsson (2476) og Guðmundur Kjartansson (2443) héldu áfram siguröngu sinni á alþjóðlegu móti í Mallorca á Spáni. Báðir unnu þeir í annarri umferð sem fram fór í gærkvöldi fremur stigalága andstæðinga (1983-2022).

Þriðja umferð fer fram í kvöld. Andstæðingarnir verða heldur stigahærri þá en þeir eru á stigabilinu (2120-2150).

Mótið fer fram 22.-28. nóvember. Alls taka 55 skákmenn frá 13 löndum þátt í mótinu og þar af eru fjórir stórmeistarar. Helgi Áss og Guðmundur eru nr. 2 og 3 í stigaröð keppenda.

- Auglýsing -