Stórmeistarinn Hjörvar Steinn Grétarsson (2549) varð Íslandsmeistari í atskák 2021 en mótinu lauk í gær. Hjörvar hlaut 8½ vinning í umferðunum níu. Hjörvar leyfði aðeins jafntefli gegn Einari Hjalta Jenssyni (2421).
Alþjóðlegi meistarinn Vignir Vagnar Stefánsson (2279) varð annar með 8 vinninga. Tapaði aðeins fyrir Íslandsmeistaranum en vann alla aðra. Hjörvar og Vignir höfðu mikla yfirburði á mótinu. Varaformaður TR, Gauti Páll Jónsson (2014), varð þriðji með 6 vinninga.
22 keppendur tóku þátt og hefðu sjálfsagt orðið töluvert fleiri hefði ekki komið til nýrrar og öflugar bylgju heimsfaraldurs kórónuveirunnar.
Ríkharður Sveinsson og Jón Olav Fivelstad voru skákstjórar mótsins.
- Auglýsing -
