Við minnum á skákæfingu fullorðinna klukkan 19:30 í kvöld í félagsheimili Taflfélags Reykjavíkur, Faxafeni 12. Fyrirlesari kvöldsins verður skákmeistarinn, mótshaldarinn og skákdómarinn Omar Salama.
Nánari upplýsingar um æfingarnar:
Skákæfingar fyrir fullorðna, nánar tiltekið 16 ára og eldri, fara af stað að nýju nú á nýja árinu. Byrjendur eru velkomnir en miðað er við iðkendur ca. undir 2000 stigum.
Haldnir eru hálfsmánaðarlegir fyrirlestrar. Æfingarnar hefjast klukkan 19:30 og þeim lýkur um klukkan 21:30. Fyrirlestur verður í klukkutíma og teflt í klukkutíma. Ingvar Þór Jóhannesson mun hafa yfirumsjón með æfingunum en einnig verða fengnir gestafyrirlesarar. Ekki er tekið við skráningum í þessar æfingar, heldur mun kosta 1000kr. á hvern fyrirlestur og eru allir velkomnir.
Fyrirlestrarnir fara fram í félagsheimili Taflfélags Reykjavíkur, Faxafeni 12.
Næsta æfing árið 2023 verður fimmtudagskvöldið 30. mars.
Skákmenn geta skráð sig á póstlista æfinganna þar sem sendur verður tölvupóstur hálfsmánaðarlega með áminningu um æfingar vikunnar.
Dagskráin það sem eftir líður vors:
30. mars
13. apríl
27. apríl
11. maí
25. maí
