(Mynd Stev Bonhage)

Fyrstu skákinni í heimsmeistaraeinvígi þeirra Ian Nepomniachtchi og Ding Liren lauk með jafntefli í 49 leikjum. Nepo náði að setja nokkra pressu á Ding en sá kínverski varðist vel eins og hans er von og vísa.

Nepo hóf taflið á 1.e4, „Best by test“ eins og Bobby Fischer sagði. Nepo er að eðlisfari kóngspeðsskákmaður. Ding Liren svaraði með 1..e5 eins og hann hefur gjarnan gert. Í raun kom ekkert á óvart í kjölfarið, Nepo hefur teflt Skotann, Ítalann og Spánverjann og valdi hinn klassíska Spánverja í þetta skiptið, ein elsta og virtasta skákbyrjunin, skýrð eftir prestinum Ruy Lopez.

6.Bxc6!? var fyrsta óvænta útspilið. Hvítur seinkar því að tefla uppskiptaafbriðgið, tapar í raun leik en vill á móti meina að svartur hafi valið uppstillingu sem er ekki best gegn uppskiptaafbrigðinu.

Skákskýrendur á netinu fór fyrsta að æsast upp í eftirfarandi stöðu:

Nepo lék hér 14.Rf5 sem er þokkalegur leikur en tölvurnar vildu sjá 14.h3!? sem setur svartan í smá bobba þar sem 14…Dxd4 er svarað með 15.Rd5!

Flott taktík og það hefði verið erfitt fyrir Ding að byrja skákina á þennan hátt.

Svartur hefði þess í stað orðið að finna 14…Hae8 til að reyna að halda í horfið.

Hvítur hélt aðeins betra tafli í kjölfarið en svartur fór að lenda í vandamálum þegar peð hans voru öll uppstillt á svörtum reitum á drottningarvæng, samlit biskup hvíts.

Ding Liren náði þó að finna leiðir til að halda í horfið fyrir svartan, útreikningar gjarnan verið styrkur Ding. Kínverjinn var þó með töluvert verri tíma og í vandræðum og viðurkenndi eftir skákinni að honum hefði liðið furðulega við borðið.

Niðurstaðan að lokum, jafntefli

Skákin í heild:

Vel tefld skák skv. tölvunum:

Fyrsta skákin skýrð á engilsaxnesku:

Frábærar skýringar Dubov:

- Auglýsing -

TENGDAR GREINARFLEIRI FRÉTTIR