Vinaskákfélagið hélt nú öðru sinni glæsilegt Minningarskákmót um Hrafn Jökulsson á afmælisdegi hans 1 nóvember 2024.
29 skákmenn mættu og þar af 2 stórmeistara (Vignir Vatnar og Jóhann Hjartarsson).
Skákmótið var haldið á Aflagranda 40, en þar hafði Hrafn heitinn verið með bókaupplestur síðustu árin sem hann lifði.
Húsið opnaði með popp og pragt klukkan 15:00, þar sem gestir streymdu inn og gæddu sér á veitingum sem voru svakalega flottar.
Settur var upp minningarveggur með ýmsum myndum af Hrafni Jökulssyni.
Hörður Jónasson forseti Vinaskákfélagsins bauð síðan gesti velkomna á skákmótið og lék síðan fyrsta leikinn fyrir Kjartan Ingvarsson á móti Vignir Vatnar.
Skákmótið sjálft hófst síðan klukkan 16:00 og voru tefldar 9 umferðir með 3 mín. + 2 sek., á klukkunni.
Skákdómari var Róbert Lagerman og mótstjóri Hörður Jónasson.
Verðlaunin voru hin glæsilegustu, en sá sem sigraði var Vignir Vatnar Stefánsson með 8,5 vinning.
Vignir Vatnar fær síðan nafn sitt áritað á glæsilega Bronsstyttu sem Grænlendingar gáfu Vinaskákfélaginu.
2. sæti. Sigurbjörn Björnsson með 7 vinninga.
3. sæti. Róbert Lagerman með 7 vinninga.
16 ára og yngri: Birkir Hallmundarson með 6 vinninga.
65 ára og eldri: Eiríkur Björnsson með 6 vinninga.
Vinaskákfélagið vill þakka starfsfólki á Aflagranda 40 fyrir frábæra þjónustu með kaffið og kökurnar. Einnig viljum við þakka Bakarameistaranum fyrir frábærar kökur.
Hægt er að sjá úrslit skákmótsins hér: Minningarskákmót Hrafns Jökulssonar 2024
Vinaskákfélagið vill síðan þakka öllum fyrir komuna á þetta glæsilega minningarskákmót og ætlunin er að halda þessi skákmót árlega.
Kveðja, Hörður Jónasson forseti Vinaskákfélagsins.
