Undankeppni fyrir Síminn Invitational netmótið fór fram 5. janúar á Chess.com. Síminn Invitational er með mjög svipuðu sniði og Íslandsmótið í Netskák sem fram fór fyrir áramót. 16 keppendur tefla útslátt þar til við fáum sigurvegara.
Þann 6. janúar var dregið um hverjir mættust í 16 manna úrslitum. Keppendum var skipta í fjóra styrkleikaflokka miðað við alþjóðleg hraðskákstig og þannig að einn úr hverjum styrkleikaflokki er í hverjum fjögurra manna hópi.
Það verða hörkuviðureignir í 16 manna úrslitum og má þar benda á stórmeistaraviðureignir Helga Áss og Hannesar og Guðmundar og Vignis.
Röðun í mótið er sem hér segir:
Sextán manna úrslit fara fram á eftirtöldum dagsetningum
12. janúar
- Hilmir Freyr Heimisson – Dagur Ragnarsson
- Björn Þorfinnsson – Aleksandr Domalchuk-Jonasson
19. janúar
- Halldór Brynjar Halldórsson – Helgi Ólafsson
- Jóhann Hjartarson – Ingvar Þór Jóhannesson
26. janúar
- Hallgerður Helga Þorsteinsdóttir – Bragi Þorfinnsson
- Helgi Áss Grétarsson – Hannes Hlífar Stefánsson
9. febrúar
- Guðmundur Kjartansson – Vignir Vatnar Stefánsson
- Davíð Kjartansson – Símon Þórhallsson
Tefld verða sex skáka einvígi í 16 manna úrslitum. Bráðbanaskákir ef jafnt.
16-manna úrslit hefjast 12. janúar og verður teflt á þrjá næstu sunnudaga og svo halda 8-manna úrslit áfram í byrjun mars og mótinu lýkur loks með úrslitum 6. apríl.
