Kristján Örn Elíasson hefur í tvö ár stjórnað, ákaflega vel heppnuðum, vikulegum útvarpsþáttum, á miðvikudögum, á Útvarpi Sögu – sem heita; Við skákborðið.
Í gær mætti alþjóðlegi meistarinn Arnar Gunnarsson í settið í Skipholtið.
Í kynningu um þáttinn segir:
Arnar Erwin Gunnarsson alþjóðlegur meistari í skák ræðir feril sinn og hugleiðingar um framtíð skákar á Íslandi. Hann talar um erfiðar krossgötur sem hreyfingin stendur frammi fyrir um þessar mundir. Arnar telur að Ísland sé að tapa sérstöðu sinni sem mikil skákþjóð og hafi dregist langt aftur úr öðrum þjóðum síðastliðin 10 til 15 ár. Hann segir að fjármunum hafi verið mjög illa varið sem hafi bitnað gríðarlega á öllu afreksstarfi með þeim afleiðinum að hann og aðrir sterkir skákmeistarar hafi misst áhugann og hætt að tefla. Viðtalið við Arnar Erwin má hlusta í heild sinni í spilaranum hér að neðan.
Eldri þætti má nálgast hér á Spotity.
