Um helgina fór fram skákmót á Ísafirði til heiðurs Guðmundi Gíslasyni sem varð 60 ára á síðasta ári. Mótið var haldið í Edinborgarhúsinu og samanstóð af tveimur mótum: hraðskákmóti á laugardeginum og atskákmóti á sunnudeginum.
Það vakti sérstaka athygli hversu margir ungir keppendur tóku þátt, og enn frekar að þeir veita eldri og reyndari skákmönnum æ harðari keppni. Það er orðið ljóst að spurningin er ekki hvort, heldur hvenær, þessi unga kynslóð fer fram úr þeirri eldri.
Stofnun Skákfélags Vestfjarða hefur reynst afar mikilvæg fyrir ungt skákáhugafólk í fjórðungnum. Áhrifin eru þegar farin að sjást: fleiri iðkendur, aukin virkni og stöðugt betri árangur. Ungu keppendurnir sýna metnað, leikgleði og þroska sem lofa góðu fyrir framtíð skákarinnar á Vestfjörðum.
Úrslit – Hraðskákmót (12. júlí)
1. sæti: Guðmundur Stefán Gíslason – 10/11 (sigraði í bráðabana)
2. sæti: Magnús Pálmi Örnólfsson – 10/11
3. sæti: Karma Halldórsson – 9/11
U16 flokkur:
-
sæti – Samúel Máni Samúelsson – 5/11
-
sæti – Nicolae Croitoru – 4/11
-
sæti – Pétur Ívar Eyþórsson
Úrslit – Atskákmót (13. júlí)
1. sæti: Magnús Pálmi Örnólfsson – 7/7
2. sæti: Guðmundur Stefán Gíslason – 5,5/7
3. sæti: Karma Halldórsson – 4,5/7
U16 flokkur:
-
sæti – Nirvaan Halldórsson – 4/7
-
sæti – Nicolae Croitoru – 4/7
-
sæti – Samúel Máni Samúelsson – 3/7
Allir keppendur í U16 flokki fengu einnig þátttökuverðlaun.
Skákfélag Vestfjarða þakkar öllum keppendum kærlega fyrir þátttökuna, styrktaraðilanum HG fyrir stuðninginn og þeim sem lögðu hönd á plóg við framkvæmd mótsins.
Heimild: BB.is
