Fréttir

Róbert Lagerman hlutskarpastur á fjórða Le Kock mótinu!

Eftir

7. ágúst, 2025

469

Fjórða mótið í Le Kock mótaröðinni reyndist stórskemmtilegt og spennandi en það fór fram í gærkvöldi, miðvikudagskvöldið 6. ágúst. Sem fyrr var aragrúi titlhafa meðal keppenda þrátt fyrir að fjöldi titilhafa sér erlendis við taflborðið. Að loknum níu spennandi umferðum reyndist það vera Róbert Lagerman sem stóð uppi sem sigurvegari og hafði þar m.a. betur en þrír stórmeistarar sem tóku þátt. VignirVatnar.is í samstarfi við Le Kock, Deig og Ölvisholt halda þessa stórglæsilegu mótaröð þar sem glæsileg verðlaun eru í boði!

Að þessu sinni mættu rúmlega 40 skákmenn til leiks á Le Kock á Tryggvagötu og hófst baráttan strax í fyrstu umferð. Hinn margreyndi Kristján Örn minnti á sig strax í fyrstu umferð með sigri gegn Jóni Viktori sem var aðeins ryðgaður í byrjun.

Kristján Örn átti frábært mót, var oft við toppinn og lagði marga sterka skákmenn. Kristján rétt missti af U2000 verðlaunum en hækkaði um 67,4 hraðskákstig sem er ekki dónalegt!

Fyrstir úr rásblokkunum voru þeir Róbert Lagerman, Helgi Áss Grétarsson og Halldór Halldórsson allir með fullt hús eftir fjórar umferðir. Halldór lagði Helga í fimmtu umferð óvænt og Róbert lagði Braga að velli á öðru borði en þar urðu ákveðin vatnaskil hjá Braga sem setti í gírinn!

Róbert og Halldór skildu jafnir í sjöttu umferð og Helgi Áss og Stefán Bergsson nýttu sér það með sigri í sínum toppbaráttuskákum. Róbert sýndi að honum var full alvara í toppbaráttuni þegar hann lagði Helga Áss að velli í sjöundu umferð. Stefán vann í sömu umferð og var nú í öðru sæti, hálfum vinningi á eftir Róbert. Halldór og Bragi voru svo vinningi á eftir efsta manni.

Róbert mætti Stefáni í áttundu umferð og skildu þeir jafnir, Stefán sýndi seiglu peði undir og náði góðum úrslitum. Róbert enn efstur og hálfum vinningi á undan Stefáni og nú Braga sem hélt áfram að vinna skák eftir skák á endasprettinum.

Í lokaumferðinni mætti Róbert Akureyrignum Símoni Þórhallssyni og hélt jafntefli peði undir í endatafli. Bragi lagði Stefán að velli og náði þar með Róbert að vinningum. Róbert hafði betur á oddastigum enda vann hann innbyrðis viðureign þeirra. Halldór endaði á að hafa bestu oddastigin af þeim sem höfðu 6,5 vinning.

Skákir lokaumferðarinnar. Símon og Róbert skildu jafnir en Bragi lagði Stefán að velli.

Lokastaðan – efstu menn:

FM Róbert Lagerman – 7,5 vinningar
60,000kr + Gjafakarfa frá Innnes

Don Roberto minnti svo sannarlega á sig og var taplaus á mótinu.
GM Bragi Þorfinnsson – 7,5 vinningar
40,000kr + Gjafakarfa frá Innnes

Frábær endasprettur hjá Braga tryggðu honum 2. sætið og góð stig í mótaröðinni!
CM Halldór Halldórsson – 6,5 vinningar
20,000kr + Gjafakarfa frá Innnes

Halldór átti mjög fínt mót og vel að 3. sætinu kominn. Halldór hefur beittan hraðskákstíl og teflir skemmtilegar hraðskákbyrjanir. Halldór kom líka með þá skemmtilegu nýbreytni að gefa skákstjóra hluta af verðlaunum sínum, greinarhöfundur styður þessa nýbreytni!

U2000 Verðlaun

Reynsluboltinn Eiríkur K. Björnsson tók U2000 verðlaunin eftir harða baráttu í lokaumferðinni en hann og Kristján Örn voru að mörgu leiti menn mótsins. Eiríkur lagði Jón Viktor og Benedikt Briem auk þess að gera jafntefli við Þröst Þórhallsson. +43 elóstig sem lyfta honum yfir 2000 elóstigin í hraðskák.

U2000: 10,000kr gjafabréf á Le kock og Deig + Gjafakarfa frá Innnes

Efsti konan

Baráttan um var grjóthörð og áttu allar möguleika fyrir lokaumferðina. Gunnar Björnsson lagði Hallgerði Helgu að velli í lokaumferðinni og því ljóst að skák Guðrúnar Fanney og Iðunnar myndi ráða úrslitum.