Sverrir Gestsson og Jakob Sævar Sigurðsson urðu efstir með 5 vinninga af 6 mögulegum á Jólamóti Goðans sem fram fór í fyrradag á Húsavík. Sverrir varð örlítið hærri á oddastigum og hreppti þvi 1. sætið. Rúnar Ísleifsson kom þar á eftir með 4 vinninga og Smári Sigurðsson fékk 3,5 vinninga. Lokastöðuna má sjá hér fyrir neðan.
Tímamörk voru 10 mín + 5 sek/á leik og tefldar voru 6 umferðir. Alls tóku 11 keppendur þátt í mótinu og þar af tveir ungir drengir úr Öxarfirði sem voru að tefla í fyrsta skipti á skákmóti.
Myndir frá mótinu má finna á heimasíðu Goðans.
- Auglýsing -
