Opnað hefur verið fyrir skráningar á haustönn í Skákskóla Íslands sem hefst 31. ágúst.
Skólinn býður upp á afreksmiðaða skákþjálfun fyrir ungmenni, 20 ára og yngri. Einnig tekur Skákskólinn vel á móti ungmennum af landsbyggðinni í gegnum fjarþjálfun.
Unnið er eftir kennsluáætlunum í getuskiptum flokkum og fá iðkendur aðgang að viðeigandi kennsluefni, heimaverkefnum og upptökum af kennslu í gegnum netið.
Skákskóli Íslands er vel útbúinn nýjum tölvubúnaði sem nýttur er á æfingum.
Inntökuskilyrði miðast við að iðkandi hafi fengið skákstig og taki reglulega þátt í skákmótum.
Hægt er að nýta frístundastyrk við greiðslu námskeiðsgjalda.
Meðal þjálfara Skákskólans eru Björn Ívar Karlsson skólastjóri, Jóhanna Björg Jóhannsdóttir ásamt stórmeisturum og öðru afreksfólki í skák.
Æfingar fara fram í húsnæði Skákskólans í Faxafeni 12.
Nánar má kynna sér starf Skákskóla Íslands á heimasíðu skólans eða leita upplýsinga hjá Birni Ívari Karlssyni skólastjóra (bjorn@skaksamband.is)
