Liðið í opnum flokki að tafli í 4. umferð

Fimmta umferð Ólympíuskákmótsins í Samarkand hefst kl. 10:00. Andstæðingar dagsins eru Grikkland í opnum flokki og Namibía í kvennaflokki. Guðmundur Kjartansson og Iðunn Helgadóttir hvíla.

Opna liðið vann Dóminíska lýðveldið 4–0 í gær. Vignir, Hilmir, Hannes og Guðmundur unnu allir. Eftir tap gegn Tékklandi í þriðju umferð er Ísland með 6 liðsstig og 13½ borðstig. Vignir og Hilmir eru báðir með 3½ af 4.

Kvennaliðið tapaði 1–3 gegn Ástralíu. Lenka og Hallgerður gerðu jafntefli, en Guðrún og Iðunn töpuðu. Liðið er með 4 liðsstig.

Opinn flokkur: Ísland – Grikkland

Mun erfiðara verkefni en í gær. Grikkland er 19. stigahæsta liðið og stigahærra á öllum borðum. Jóhann kemur aftur inn; Guðmundur hvílir.

Borð Ísland stig Grikkland stig
1 GM Vignir Vatnar Stefánsson 2531 GM Nikolas Theodorou 2633
2 IM Hilmir Freyr Heimisson 2342 GM Dimitrios Mastrovasilis 2525
3 GM Jóhann Hjartarson 2461 GM Ioannis Papaioannou 2608
4 GM Hannes Hlífar Stefánsson 2425 GM Dimitris Alexakis 2533

Allir fjórir Grikkir eru stórmeistarar. Vignir mætir Theodorou sem er hundrað stigum hærri. Hilmir fær Mastrovasilis. Jóhann teflir við Papaioannou. Reynslan heldur betur til staðar á þriðja borði! Hannes mætir Alexakis.

Jafntefli eða sigur væru mjög góð úrslit

Kvennaflokkur: Ísland – Namibía

Ísland er stigahærra á öllum borðum. Hrund kemur inn á fjórða borð.

Borð Ísland stig Namibía stig
1 WGM Lenka Ptácníková 2082 Lutopu Khoa 1746
2 WFM Hallgerður Helga Þorsteinsdóttir 1995 WCM Jamie-Nicole Beukes 1831
3 WFM Guðrún Fanney Briem 1865 Helvi Shuudifonya 1638
4 Hrund Hauksdóttir 1817 WCM Jolly Nepando 1626

Lenka, Hallgerður og Guðrún tefla áfram. Eftir tap gegn Ástralíu er þetta tækifæri til að ná öðrum liðssigri.

Vefsíður til að fylgjast með

- Auglýsing -

TENGDAR GREINARFLEIRI FRÉTTIR