Þriðja umferð var tefld í dag á EM taflfélaga í Búdva í Svartfjallalandi. A-sveit Breiðabliks fór fyrir íslensku liðunum en heilt yfir náðust fínustu úrslit en bæði b-sveit Breiðabliks og sveit Akureyringa náðu í prýðisgóð úrslit gegn stigahærri sveitum í umferðinni!
Breiðablik A – SK Rockaden 2 6–0
Stórglæsileg frammistaða hjá A-liði Breiðabliks sem vann allar sex skákirnar gegn b-liði sænska klúbbsins Rockaden. Stórt að missa ekkert niður þó svo að Blikar hafi verið stigahærri á öllum borðum. Hilmir Freyr mátaði með biskup og riddara í vel yfir 150 leikjum!
| Borð | Breiðablik A | Úrslit | SK Rockaden 2 |
|---|---|---|---|
| 1 | GM Vignir Vatnar Stefánsson (2534) | 1–0 | FM Leo Crevatin (2218) |
| 2 | IM Hilmir Freyr Heimisson (2365) | 1–0 | Vladan Nikolic (2224) |
| 3 | FM Birkir Ísak Jóhannsson (2306) | 1–0 | Lukas Willstedt (2183) |
| 4 | FM Bárður Örn Birkisson (2264) | 1–0 | Nils Bergman (2134) |
| 5 | CM Benedikt Briem (2239) | 1–0 | Filip Jonsson (2089) |
| 6 | CM Björn Hólm Birkisson (2234) | 1–0 | Sanna Eriksson (1870) |
Lokatölur: Breiðablik A 6–0 SK Rockaden 2
MTK Budapest 2 – Breiðablik B 2½–3½
B-lið Breiðabliks vann afar góðan sigur á MTK Budapest 2. Stephan Briem og Birkir Hallmundarson unnu sínar skákir, þrjár skákir enduðu með jafntefli og það dugði til 3½–2½ sigurs. Glæsileg úrslit hjá b-sveit Blika sem hefur sýnt með úrslitum í síðustu tveimur umferðum að þeir eiga vel heima á þessu móti!
| Borð | MTK Budapest 2 | Úrslit | Breiðablik B |
|---|---|---|---|
| 1 | FM Lazar Matyassy (2337) | 0–1 | Stephan Briem (2154) |
| 2 | FM Barnabas Kovacsy (2281) | ½–½ | Arnar Milutin Heiðarsson (2104) |
| 3 | WIM Zsuzsanna Terbe (2152) | ½–½ | Davíð Kolka (2043) |
| 4 | WFM Lili Toth (2102) | 1–0 | Markus Orri Jóhannsson (1982) |
| 5 | Balint Virag (2186) | 0–1 | Birkir Hallmundarson (1888) |
| 6 | Balazs Fodor (2213) | ½–½ | WFM Guðrún Fanney Briem (1927) |
Lokatölur: MTK Budapest 2 2½–3½ Breiðablik B
Akureyri – Perfect 3–3
Akureyringar náðu sterku 3–3 jafntefli gegn stigahærra liði Perfect. Áskell Örn Kárason og Bogi Pálsson unnu á tveimur neðstu borðunum, en Magnús P. Örnólfsson og Stefan Steingrímur Bergsson gerðu jafntefli. Flestar vinningsskákir Akureyringa komu fyrst í hús og því stefndi á tímabili í magnaðan sigur! Moldóvaranir náðu „perfect“ lokaspretti og redduðu jafnteflinu, rétt svo!
Skákirnar voru ekki beint en ritstjórn Skak.is varð vitni af afgerandi taflmennsku Boga Pálssonar sem leitaði meðvitað eða ómeðvitað í hugmyndabanka Lenku Ptacnikovu sem notaði sömu hugmynd og Bogi með Da5+ til að refsa lélegri Colle-Zukertort uppstillingu hvíts!
| Borð | Akureyri | Úrslit | Perfect |
|---|---|---|---|
| 1 | FM Rúnar Sigurpálsson (2251) | 0–1 | GM Vladimir Hamitevici (2462) |
| 2 | CM Magnús P. Örnólfsson (2143) | ½–½ | GM Viktor Komliakov (2372) |
| 3 | Gauti Páll Jónsson (2121) | 0–1 | IM Valery Atlas (2387) |
| 4 | Stefan Steingrímur Bergsson (2114) | ½–½ | Victor Kurochkin (2356) |
| 5 | IM Áskell Örn Kárason (2135) | 1–0 | Gennadie Slavin (2201) |
| 6 | Bogi Pálsson (2094) | 1–0 | Mikhail Pleshkov (2046) |
Lokatölur: Akureyri 3–3 Perfect
Víkingur – Multi Essence 1–5
Víkingar fengu erfiða andstæðinga frá Norður-Makedóníu og töpuðu 1–5. Sigurbjörn Hermannsson sá um eina vinning Víkinga með sigri á sjötta borði.
| Borð | Víkingur | Úrslit | Multi Essence |
|---|---|---|---|
| 1 | IM Tapani Sammalvuo (2363) | 0–1 | IM Emil Risteski (2431) |
| 2 | FM Páll A. Þórarinsson (2172) | 0–1 | IM Filip Pancevski (2432) |
| 3 | CM Jón Árni Halldórsson (2037) | 0–1 | IM Toni Lazov (2387) |
| 4 | CM Gunnar Rúnarsson (2001) | 0–1 | Mihail Jordanov (2264) |
| 5 | Halldór Pálsson (1991) | 0–1 | Mateo Eftovski (2093) |
| 6 | Sigurbjörn Hermannsson (1917) | 1–0 | Stojan Velkoski (2054) |
Lokatölur: Víkingur 1–5 Multi Essence
Björn Þorfinnsson átti ágætis sénsa í sinni skák gegn Sarana en lið hans Cheddleton varð að lúta í dúk gegn einni af sterkustu sveitum mótsins. Richard Pert náði mögnuðum úrslitum gegn Jorden van Forrest!
Björn taldi sig á köflum hafa mun betri færi en hann hafði en hann var vissulega vel inni í skákinni framan af!
Ásta Kristbjörnsdóttir tapaði sinni skák með b-sveit bresku ljónynjanna en FIDE-meistarinn Ingvar Þór Jóhannesson reyndist hetja Kingston Kings og tryggði þeim sigur með minnsta mun með því að vinna síðustu skák viðureignarinnar eftir tvísýna baráttu!
Blikar mæta Zuid-Limburg í 4. umferð, tefla niður fyrir sig, og ættu með góðu að vinna þá viðureign! Breiðablik-b, Akureyri og Víkingar fá öll mjög erfiða andstæðinga og verður við ramman reip að draga!
