Hannes tapaði í gær – Guðmundur hefur taflmennsku í dag

Stórmeistarinn Hannes Hlífar Stefánsson (2534) tapaði í gær fyrir pólska alþjóðlega meistaranum Jonasz Baum (2409) á alþjóðlegu móti í Póllandi. Hannes hefur engu að síður staðið sig afar vel og hefur 4½ vinning og er í 3.-4. sæti að loknum sjö umferðum.

Áttunda og næstsíðasta umferð fer fram í dag. Hannes mætir þá pólska FIDE-meistaranum Mieszko Mis (2388). Umferðin hefst kl. 13.

Um er að ræða 10 manna lokaðan flokk þar sem meðalstigin eru 2445 skákstig. Hannes er næststigahæstur keppenda.

• Úrslitaþjónusta
• Beinar útsendingar (Chess24)

Stórmeistarinn Guðmundur Kjartansson (2455) hefur í dag þátttöku á alþjóðlegu opnu móti í Cattolica á Ítalíu sem fram fer í 4.-11. júní.  Nánar um það mót þegar frekari upplýsingar berast.

• Heimasíða mótsins
• Chess-Results (vantar Guðmund í skránna)
• Beinar útsendingar (ritstjóra skortir tengil)