Indverski stórmeistarinn Vishy Anand (2761) og norski heimsmeistarinn Magnús Carlsen (2864) eru efstir og jafnir með 8½ stig eftir 4 umferðir á Norway Chess. Þeir mætast í fimmtu umferð sem fram fer í dag.
Magnús vann Anish Giri (2761) í fjórðu umferð. Anand gerði jafntefli við Wesley So (2766) og tapaði svo bráðabananum. So er þriðji með 7½ stig
Fyrirkomulagið er þannig að tefld er kappskák. Sigurvegarinn fær 3 stig. Geri keppendur jafntefli fá báðir 1 stig. Þá eru tefldur bráðabani og fær sigurvegarinn auka hálft stig.
Keppendalistinn er áhugaverður. Vegna áskorendamótsins í Madrid sem hefst 17. júní tefla áskorendurnir ekki á Norway Chess að Radjabov undanskildum.
- Auglýsing -
