Þeir Ding Liren og Ian Nepomniachtchi skildu jafnir í 14. og síðustu einvígiskappskákinni. Þeir munu tefla til þrautar á morgun, fjórar atskákir með 25+10 tímamörkum og svo hraðskákum og armageddon ef á þarf að halda.

Skák dagins hófst með 1.d4 og Nimzo-indverskri vörn. Virist taflið ætla að vera nkkuð eðlilegt og rólegt

Ding kom þá vel á óvart með 12.Rg5 og eftir 12…h6 13.h4, mjög aggressíf taflmennska.

Lítið varð þó úr sóknartilburðum Kínverjans og fljótt skiptist upp á drottningum. Ding gaf svo strax peð fyrir óljós færi sem leit út fyrir að vera algjör óþarfi.

21.Rc5?! var leikið en 21.Bf3 ætti að halda í horfið.

Í hnd fór löng og ströng skák þar sem Ding þurfti að finna góða leiki og jafnframt treysta á ákveðna hvatvísi á köflum hjá Nepomniachtchi til þess að halda velli.

Á endanum var jafnteflið í höfn í 90 leikjum!

Einkunnabókin

Ding fær hvítt í fyrstu atskákinni á morgun sem hefst 09:00 að íslenskum tíma.

- Auglýsing -

TENGDAR GREINARFLEIRI FRÉTTIR