Sjötta og næstsíðasta umferð var tefld í gær á EM taflfélaga í Búdva í Svartfjallalandi. A-sveit Breiðabliks náði góðum sigri á dönsku sveitinni Hillerød Skakklub í gær. Skákfélag Akureyrar náði góðu jafntefli gegn sterkri hollenskri sveit. Björn Þorfinnsson vann gríðarlegan mikilvægan sigur gegn stórmeistara. Sveit hans hefur möguleika á að tefla í Ofurdeild ECU í febrúar.
Breiðablik A – Hillerød Skakklub (4–2)
Góður sigur þrátt fyrir tap á fyrsta borði. Hilmir Freyr, Birkir Ísak og Björn Hólm unnu allir. Sterkur og mikilvægur sigur á Dönum.
| Borð | Breiðablik A | Hillerød | Úrslit |
|---|---|---|---|
| 1 | GM Vignir Vatnar Stefánsson (2534) | GM Sune Berg Hansen (2495) | 0–1 |
| 2 | IM Hilmir Freyr Heimisson (2365) | IM Nikolaj Borge (2373) | 1–0 |
| 3 | FM Birkir Ísak Jóhannsson (2306) | FM Jens Østergaard (2270) | 1–0 |
| 4 | FM Bárður Örn Birkisson (2264) | FM Tim Jaksland (2107) | ½–½ |
| 5 | CM Benedikt Briem (2239) | Jan Nordenbæk (2164) | ½–½ |
| 6 | CM Björn Holm Birkisson (2234) | Niels-Peter Nielsen (2043) | 1–0 |
Akureyri – LSG (3–3)
Magnús Pálmi og Gauti Páll með gríðarlega góð úrslit gegn alþjóðlegum meisturum. Gauti vann í aðeins 18 leikjum og gerir skákinni góð skil á Feikbúkk-síðu sinni.
| Borð | Akureyri | LSG | Úrslit |
|---|---|---|---|
| 1 | GM Margeir Pétursson (2386) | GM Arthur Pijpers (2487) | ½–½ |
| 2 | CM Magnús P. Örnólfsson (2143) | IM Jan-Willem de Jong (2408) | 1–0 |
| 3 | Gauti Páll Jónsson (2121) | IM Edwin Van Haastert (2361) | 1–0 |
| 4 | CM Halldór Halldórsson (2078) | IM Thomas Willemze (2327) | 0–1 |
| 5 | Stefan S. Bergsson (2114) | IM Michiel Bosman (2286) | ½–½ |
| 6 | Bogi Pálsson (2094) | Marnix Hofman (2201) | 0–1 |
Víkingar töpuðu með minnsta mun. Sigurbjörn Hermannsson heldur áfram frábærri frammistöðu sinni og hefur fengið 5 vinninga í 6 skákum. Sá árangur gefur honum rétt að sækja um FM-titil en til þess þarf hann þó að ná 2100 stigum hið minnsta. Í millitíðinni gæti hann sótt um CM-titil en til þess þarf hann fyrst að ná a.m.k. 2000 skákstigum! Þess má geta að hann hefur hækkað um 51 skákstig það sem af er móti. Það styttist í titil hjá Sigurbirni!
| Borð | Víking | Gambit Bonnevoie | Úrslit |
|---|---|---|---|
| 1 | IM Tapani Sammalvuo (2363) | IM François Godart (2390) | ½–½ |
| 2 | FM Páll A. Þórarinsson (2172) | FM Jan Bednarich (2162) | ½–½ |
| 3 | CM Jón Árni Halldórsson (2037) | CM Cédric Reymann (2210) | 0–1 |
| 4 | CM Gunnar Rúnarsson (2001) | CM Slobodan J. Filipovic (2157) | 0–1 |
| 5 | Halldór Pálsson (1991) | Michael Schwerteck (2119) | ½–½ |
| 6 | Sigurbjörn Hermannsson (1917) | Geoffrey Stern (1917) | 1–0 |
Stephan Briem og Davíð Kolka með góð úrslit en stórt tap gegn sterkri sveit.
| Borð | Breiðablik B | Dardania | Úrslit |
|---|---|---|---|
| 1 | Stephan Briem (2154) | IM Nderim Saraci (2445) | ½–½ |
| 2 | Arnar M. Heiðarsson (2104) | FM Mateu Boci (2332) | 0–1 |
| 3 | Davíð Kolka (2043) | FM Ergit Ramaj (2310) | ½–½ |
| 4 | Markus O. Jóhannsson (1982) | FM Endrit Uruci (2318) | 0–1 |
| 5 | Birkir Hallmundarson (1888) | CM Korab Saraci (2241) | 0–1 |
| 6 | WFM Guðrún F. Briem (1927) | CM Alban Krasniqi (2198) | 0–1 |
Stakir Íslendingar
| Skákmaður | Lið | Andstæðingur | Úrslit |
|---|---|---|---|
| IM Björn Þorfinnsson | Cheddleton | GM Marian Jurčík (2404) | 1–0 |
| Ásta Kristbjörnsdóttir | She Plays To Win Lionesses B | Lucrezia Aiko Tosi (1744) | 0–1 |
IM Björn Þorfinnsson átti mjög góða skák í gær í sigri Cheddleton-liðsins og vann lagði sitt heldur betur að mörkum í 3½–2½ sigri liðsins. Tefldi gríðarlega vel í tímahraki andstæðingsins, stórmeistarans Marian Jurcik (2404), og lagði hann að velli. Cheddleton er í sjöunda sæti og hefur möguleika á því að komast í nýja ofurdeild ECU sem haldin verður í Búkarest í febrúar. Fimm efstu liðin nú fá keppnisrétt þar.
Sjöunda umferð fer fram í dag og hefst kl. 12:15. Breiðblik verður í beinni gegn tékknesku sveitinni Sigil Fund Pardubice. Björn Þorfinnsson verður einnig í beinni sem og Ásta Kristbjörnsdóttir. Ingvar Þór Jóhannesson teflir í dag sem skýrir af hverju ég er að skrifa þessa frétt en ekki hann!
Myndir: Mark Livshitz
Toppbaráttan
Toppbaráttan er gríðarlega hörð. Á toppnum eru SuperChess frá Rúmeníu, Bayegan Pendik frá Tyrklandi og Novy Bor frá Tékklandi. Cheddleton, lið Björns, er eins og áður sagði í sjöunda sæti. Fimm efstu sætin gefa keppnisrétt í ofurdeild ECU í febrúar svo sigur Björns og félaga gegn ísraelskri sveit í dag gæti tryggt þeim keppnisrétt.
