Eftirfarandi tilkynning birtist á vef stjórnarráðsins í morgun.
Úthlutun úr afrekssjóði í skák fyrir árið 2026 liggur nú fyrir. Alls hljóta 13 skákmenn styrki á árinu 2026.
Auglýst var eftir umsóknum í haust. Alls bárust 15 umsóknir, þar af 5 í flokkinn efnilegir skákmenn og 10 í flokkinn afreksskákmenn.
Við mat á umsóknum í flokkinn efnilegir skákmenn var tekið tillit til aldursskilyrða, árangurs og virkni árið 2025 og áætlana um virkni í skák sem umsækjandi lagði fram fyrir árið 2026.
Við mat á umsóknum í flokkinn afreksskákmenn var litið til stöðu á heimslista, virkni síðastliðið ár með tilliti til fjölda tefldra kappskáka, og áætlana um virkni á árinu 2026.
Mánaðarlegir styrkir til afreksskákmanna á árinu 2026 eru 550.000 kr. en 250.000 kr. hjá efnilegum skákmönnum. Um verktakagreiðslur er að ræða.
Eftirfarandi skákmenn hlutu styrk úr afrekssjóði. Úthlutunin nær yfir tímabilið 1. janúar – 31. desember 2026, stórmeistarinn Vignir Vatnar Stefánsson fékk úthlutað úr sjóðnum til þriggja ára.
Tólf mánuðir
- Guðmundur Kjartansson
- Hannes Hlífar Stefánsson
- Lenka Ptácníková
- Vignir Vatnar Stefánsson
Níu mánuðir
- Héðinn Steinn Steingrímsson
Þrír mánuðir
- Aleksandr Domalchuk Jónasson
- Benedikt Briem*
- Dagur Ragnarsson
- Hilmir Freyr Heimisson
Tveir mánuðir
- Adam Omarsson*
- Henrik Danielsen
- Iðunn Helgadóttir*
Einn mánuður
- Guðrún Fanney Briem*
* Skákmenn sem fá styrk sem efnilegir skákmenn.
Úthlutunin byggir á lögum um skák og reglugerð um afrekssjóð í skák.
