Haustmót Taflfélags Reykjavíkur 2026 hefst miðvikudaginn 2. september kl. 18:30. Mótið, sem var fyrst haldið árið 1934, er eitt af aðalmótum vetrarins í reykvísku skáklífi og er jafnframt meistaramót Taflfélags Reykjavíkur.

Mótið er flokkaskipt, öllum opið og verður reiknað til alþjóðlegra skákstiga. Haustmótið fer fram í félagsheimili Taflfélags Reykjavíkur að Faxafeni 12.

Núverandi skákmeistari Taflfélags Reykjavíkur er Adam Omarsson.

FYRIRKOMULAG:

Tefldar verða níu umferðir í hverjum flokki. Lokuðu flokkarnir eru skipaðir tíu keppendum hver, þar sem allir tefla við alla, en í opna flokknum er teflt eftir svissnesku kerfi. Í lokuðu flokkunum er keppendum raðað eftir skákstigum (miðað er við september stigalista FIDE).

Tímamörk:

Tímamörk eru 90 mínútur á fyrstu 40 leikina. Að loknum 40 leikjum bætast við 15 mínútur. 30 sekúndur bætast við eftir hvern leik alla skákina.

Sjálfkrafa tap dæmist á keppanda sem mætir á skákstað meira en 30 mínútum eftir upphaf umferðar. Í opnum flokki er lágmarksfjöldi þátttakanda 24 og þar af helmingur þeirra með elo-stig.

Í opna flokknum eru leyfðar tvær yfirsetur (bye) í umferðum 1-6 og fæst 1/2 vinningur fyrir hvora yfirsetu. Tilkynna þarf skákstjóra um yfirsetu við upphaf umferðarinnar á undan. Yfirsetur eru ekki leyfðar í lokuðum flokkum.

DAGSKRÁ:

  1. umferð: Miðvikudagur 2. september kl. 18:30
  2. umferð: Föstudagur 4. september kl. 18:30
  3. umferð: Sunnudagur 6. september kl. 13:00
  4. umferð: Miðvikudagur 9. september kl. 18:30
  5. umferð: Föstudagur 11. september kl. 18:30
  6. umferð: Sunnudagur 13. september kl. 13:00
  7. umferð: Miðvikudagur 16. september kl. 18:30
  8. umferð: Föstudagur 18. september kl. 18:30
  9. umferð: Sunnudagur 20. september kl. 13:00

VERÐLAUN:

Verðlaun í A-flokki:

  1. sæti kr. 125.000 kr.
  2. sæti kr.   75.000 kr.
  3. sæti kr.   35.000 kr.
  4. sæti fær frítt í Skákþing Reykjavíkur 2027.

Verðlaun í B-flokki:

  1. sæti kr. 25.000 kr.
  2. og 3. sæti fá frítt í Skákþing Reykjavíkur 2027.

Verðlaun í C-flokki

  1. sæti kr. 25.000 kr.
  2. og 3. sæti fá frítt í Skákþing Reykjavíkur 2027.

Verðlaun í Opnum flokki:

  1. sæti kr. 20.000kr.
  2. og 3. sæti ókeypis í Skákþing Reykjavíkur 2027.

Viðurkenningarskjal fyrir stigalausa, U1800 og U1600.

Sigurvegari hvers flokks áskilur sér þátttökurétt í næsta styrkleikaflokki að ári liðnu. Verði keppendur jafnir að vinningum í efstu sætum verður verðlaunafé skipt eftir Hort-kerfi. Lokaröð keppenda í öllum flokkum ákvarðast af mótsstigum (tiebreaks).

MÓTSSTIG (Tie-break):

Lokaðir flokkar: 1.Sonneborn-Berger 2.Innbyrðis úrslit 3.Fjöldi sigra.

Opinn flokkur: 1.Buchholz (-1) 2.Buchholz 3.Innbyrðis úrslit 4.Fjöldi sigra.

ÞÁTTTÖKUGJÖLD:

8.000 kr fyrir 18 ára og eldri. Frítt fyrir GM

4.000 kr. fyrir 17 ára og yngri.

Vinsamlegast mætið tímanlega á skákstað til að staðfesta skráningu.

SKRÁNING:

Skráningu í alla lokaða flokka lýkur þriðjudaginn 1. september kl.22:00. Skráningu í opinn flokk lýkur 15 mínútum fyrir auglýst upphaf móts, þ.e. 2. september kl. 18:15.

Ef vandamál er með skráningu má hafa samband á taflfelag@taflfelag.is

- Auglýsing -

TENGDAR GREINARFLEIRI FRÉTTIR