Íslandsmót ungmenna (u8-u16) fer fram laugardaginn 17. október í hinu glæsilega íþróttahúsi Miðgarði í Garðabæ.
Mótið hefst kl. 13:00 og er teflt í fimm aldursflokkum. Keppendur skulu mæta eigi síðar en kl. 12:40 og staðfesta mætingu. Krýndir verða 10 Íslandsmeistarar – efsti strákur og efsta stelpa í öllum flokkunum fimm.
Afar góð verðlaun verða í boði. Allir Íslandsmeistararnir fá frí þátttökugjöld á Reykjavíkurskákmótið 2027 sem fram fer í Hörpu 17.-23. mars 2027.
Skráning og greiðsla fer fram á Abler
8 ára og yngri (f. 2018 og síðar)
Tefldar verða sjö umferðir. Umhugsunartími: 7 + 3 mínútur.
9-10 ára (f. 2016 og 2017)
Tefldar verða sjö umferðir. Umhugsunartími: 7 + 3 mínútur.
11–12 ára (f. 2014 og 2015)
Tefldar verða 7 umferðir með umhugsunartímanum 10 + 2.
13–14 ára (f. 2012 og 2013)
Tefldar verða 7 umferðir með umhugsunartímanum 10 + 5.
15–16 ára (f. 2010 og 2011)
Tefldar verða 7 umferðir með umhugsunartímanum 10 + 5.
Skráning og greiðsla þátttökugjalda
Skráningafrestur rennur út föstudaginn, 16. október kl. 13:00.
Með skráningu sinni staðfesta keppendur að þeir leyfi myndatökur og birtingu mynda frá mótinu á skak.is og á samfélagsmiðlum sambandsins.
Verðlaun
Verði tveir eða fleiri keppendur jafnir í verðlaunasætum gilda oddastig. Þó skal tefld aukakeppni um Íslandsmeistaratitla í þremur elstu aldursflokknum.
Verðlaunaafhending fer fram að keppni lokinni í hverjum flokki.
Allir Íslandsmeistarar frá frí þátttökugjöld á Reykjavíkurskákmótið 2027
Þrír efstu í öllum flokkum fá verðlaunabikar.
Frekari verðlaun verða kynnt þegar nær dregur.
Allir keppendur verða leystir út með smá glaðningi.
Þátttökugjöld eru kr. 3.000 kr. Systkinaafsláttur er 25%.
Mótið verður reiknað til alþjóðlegra atskák- eða hraðskákstiga eftir því sem við á.
Nánar um oddastig
Allir við alla: 1. Sonneborn-Berger, 2. Innbyrðis úrslit, 3. Fjöldi sigra 4. Hlutkesti
Opnir flokkar: 1. Buchols (-1), 2. Buchols, 3. Innbyrðis úrslit, 4. Sonneborn-Berger 5. Fjöldi vinningsskáka 6. hlutkesti
