Aðalfundur Alþjóða skáksambandsins (FIDE), sem haldinn var 26.–27. september 2026 í Samarkand í Úsbekistan í tengslum við 46. ólympíuskákmótið, samþykkti tillögu Skáksambands Íslands um styttri tímamörk í kappskák (classical / standard time controls, oft nefnd Fast Standard eða Fast Classic).
Hvað lagði Skáksambandið til?
Tillaga SÍ, fól í sér þrjár meginbreytingar:
- Að 45 mínútur + 30 sekúndna viðbót á leik (45+30) yrði viðurkennd sem fullgild kappskákartímamörk. Mót með þessum tímamörkum skyldu gilda til FIDE-kappskákastiga og áfanga án þess að þurfa sérstakt samþykki Hæfninefndar FIDE (Qualification Commission, QC) sem nú þarf.
- Að skipuleggjendum yrði heimilt að tefla allt að þrjár skákir á dag (í stað núverandi hámarks um tvær).
- Að aðeins einn áfangi sem unnin er með 45+30 tímamörkum mætti nota þegar sótt væri um áfanga.
Í greinargerðinni var bent á að Fast Classic-formið hefði þegar sýnt kosti: styttri mót, lægri ferða- og gistiskostnað, betri aðgengi fyrir bæði atvinnumenn og áhugamenn og áframhaldandi góð skákagæði. Væri fyrst og fremst góð viðbót fyrir skákmenn og mótshaldara.
Viðbrögð og raunveruleg framkvæmd
Hæfninefnd FIDE (Qualification Commission) lagðist gegn tillögunni og mælti með því að hún yrði ekki studd. FIDE-ráðið (FIDE Council) lagði til málamiðlun: 60+30 yrði tryggð tímamörk án sérstaks samþykkis, en 45+30 yrði áfram undantekning.
Þrátt fyrir það styddi aðalfundurinn íslensku tillöguna. Samkvæmt FIDE-samþykktum setur aðalfundurinn almennar leiðbeiningar, en hinar raunverulegu reglugerðarbreytingar eru á hendi FIDE-ráðsins. Því breytast reglurnar ekki strax.
Tillaga FIDE-ráðeins
Ráðið hyggst leggja fram ramma til frekari umræðu og samþykktar. Helstu atriði sem það hefur kynnt eru:
- 60+30 verði tryggt lágmarks-kappskákartímamörk sem öllum skipuleggjendum er heimilt að nota án sérstaks samþykkis.
- 45+30 verði sjálfkrafa leyfilegt á mótum þar sem enginn þátttakandi hefur 2400+ stig.
- Hámarki tveggja skáka á dag verði áfram á mótum þar sem hægt er að ná í áfanga.
FIDE ætlar að birta rök með og á móti, leita álits frá hagsmunaaðilum. Endanleg ákvörðun um víðtækari notkun 45+30 og mögulega þrjár skákir á dag verður tekin eftir það samráð – hugsanlega á aukaaðalfundi (Extraordinary General Assembly) í lok árs 2026.
Bakgrunnur
Hefðbundin lágmarks-tímamörk fyrir sterk kappskákarmót hafa verið 90+30. Árið 2026 setti FIDE á fót tilraunaverkefni (sem byggði á tilraunum 2025) sem leyfði 60+30 og í sérstökum tilfellum 45+30 á stórum eða hefðbundnum mótum, að fengnu samþykki Hæfninefndar. Markmiðið var að lækka kostnað og gera kappskákarmót auðveldari í framkvæmd án þess að fórna gæðum.
Frekari upplýsingar má finna í grein FIDE: FIDE General Assembly adopts resolution on shorter time controls: What it means.
