Chess.com
Ný netmótasyrpa, sem ber nafnið, Síminn Invitational mun hefjast 5. janúar nk. Síminn Invitational er í umsjón Rafíþróttasambands Íslands í nánu samstarfi við Skáksamband Íslands. Beinar útsendingar verða á Símanum Sport.
Mótið fer fram með áþekku fyrirkomulagi og á síðasta ári. Undanrásir fara fram sunnudaginn 5. janúar kl. 18 en sjálf 16 manna úrslitin hefjast 12. janúar.
Keppendur í 16 manna úrslitum eru valdir á eftirfarandi hátt:
- Keppendur sem komust í átta manna úrslita á Íslandsmótinu í netskák 2024
- Þrír stigahæstu skákmenn landsins með virk hraðskákstig 1. janúar 2025 sem falla ekki undir nr. 1
- Íslandsmeistari kvenna í hraðskák 2024
- Fjórir efstu í undranrásunum sem fram fara 5. janúar.
Dagskráin er fyrirhuguð sem hér segir (gæti tekið smá breytingum).
- 5. janúar – undanrásir á Chess.com – 9-11 umferðir
- 12. janúar – 16 manna úrslit – 2 einvígi
- 19. janúar – 16 manna úrslit – 2 einvígi
- 26. janúar – 16 manna úrslit – 2 einvígi
- 9. febrúar – 16 manna úrslit – 2 einvígi
- 9. mars – 8 manna úrslit – 2 einvígi
- 16. mars – 8 manna úrslit – 2 einvígi
- 23. mars – undanúrslit– 1 einvígi
- 30. mars – undanúrslit – 1 einvígi
- 6. apríl – úrslit
Í 16 og 8 manna úrslitum er fyrirhugað að hafa sex skáka einvígi – sá vinnur sem fyrr fær 3½ vinning. Í undanúrslitum og er fyrirhugað að hafa 10 skáka einvígi – sá vinnur sem fyrr fær 5½ vinning.
Dagskrá og fyrirkomulag geta tekið smávægilegum breytingum.
Nánar verður greint frá fyrirkomulagi á næstu dögum.
