Meistaramót Skákskóla Íslands

    0
    276
    Hvenær:
    18. maí, 2019 @ 11:00 – 19. maí, 2019 @ 21:00
    2019-05-18T11:00:00+00:00
    2019-05-19T21:00:00+00:00
    Hvar:
    Skákskóli Íslands
    Faxafen 12
    108 Reykjavík
    Ísland
    Gjald:
    Ókeypis
    Meistaramót Skákskóla Íslands @ Skákskóli Íslands | Reykjavík | Ísland

    Meistaramót  Skákskóla Íslands fyrir starfsárið 2018/2019 fer fram dagana 18.–19. maí og verður í tveim styrkleika/stigaflokkum.  Annar flokkurinn verður skipaður keppendum sem hafa 1600 alþjóðleg elo-stig eða meira en hinn flokkurinn er skipaður keppendum sem er undir 1600 elo stigum eða stigalausir.

     

    Að þessu sinni er mótið í stigahærri flokknum haldið með öðru sniði en undanfarin ár en úrslitin þar eru einungis reiknuð til at-skákstiga.  Í flokki keppenda undir 1600 elo stigum eru skákirnar reiknaðar til alþjóðlegra elo stiga.

     

    Keppnisdagar er tveir, 18. maí og 19. maí.

     

    Í efri styrkleikaflokknum en er  teflt um sæmdarheitið Meistari  Skákskóla Íslands.

     

    Núverandi meistari Skákskólans er Hilmir Freyr Heimisson.

     

    Þátttökurétt hafa nemendur skólans og allir þeir sem tekið hafa þátt í námskeiðum á vegum skólans eða hlotið þjálfun á vegum skólans.

    Að öðru leyti áskilur skólastjóri/mótsnefnd sér rétt til að bjóða völdum einstaklingum til þátttöku.

     

    Mótsnefnd mun jafnframt taka afstöðu til óska þeirra sem ekki ná stigalágmörkum en vilja tefla í stigahærri flokknum.

    Teflt er samtímis í báðum flokkum en dagskráin er svohljóðandi:  

     

    1. umferð. Laugardagur 18. maí kl. 11.-1330.
    2. umferð: Laugardagur 18. maí 13.30 – 16.
    3. umferð: Laugardagur 18. maí 16-18.30
    4. umferð: Laugardagur 18. maí: 18.30-21.

     

    1. umferð: Sunnudagur 19. maí kl. 11-13.30
    2. umferð: Sunnudagur 19. maí kl. 13.30 -16.
    3. umferð: Sunnudagur 19. maí kl. 16. -18.30
    4. umferð: Sunnudagur 19. maí 27. maí kl. 18.30- 21.

     

    Verðlaunaafhending fer fram strax að loknu móti.

     

    Tímamörk í öllum umferðunum 30 30.

     

    Keppendur geta tekið eina eða tvær ½-vinnings yfirsetur í fyrstu fimm umferðunum en tilkynna verður um yfirsetuna fyrir umferð og áður en raðað er í þá næstu

     

     

     

    Tefldar verða átta umferðir eftir svissneska kerfinu í báðum flokkum.

    Dagskrá mótsins verður með eftirfarandi hætti:

     

    Keppendur geta tekið eða tvær ½-vinnings yfirsetu í fyrstu fjórum umferðunum en verða að tilkynna um yfirsetuna fyrir umferðina og áður en raðað er í næstu umferð.

    Skákmenn sem eru með minna en 1600 elo- stig geta óskað eftir því að tefla í flokki stigahærri keppenda og mun mótsnefnd taka afstöðu til þess og skila niðurstöðu með góðum fyrirvara.

     

    Verðlaun í flokki 1600 elo +

     

    1. verðlaun: farmiði að verðmæti kr. 50 þús + uppihaldskostnaður á kr. 35 þús.
    2. verðlaun: Farmiði að verðmæti kr. 40 þús.
    3. – 5. sæti Vandaðar skákbækur.

    Auk þess verða veitt stigaflokkaverðlaun í mótinu:

     

    1800 – 2000 elo:

    1. verðlaun: Farmiði að verðmæti kr. 40 þús.

     

    1600-1800 elo:

    1. verðlaun: Farmiði að verðmæti kr. 40 þús.

     

    Verðlaun í flokki 1600 elo-stig  og minna  og stigalausra:

     

    1. verðlaun: farmiði að verðmæti kr. 40 þús:
    2. – 3. verðlaun: vandaðar skákbækur að eigin vali.

     

    Verðlaun keppenda sem eru undir 1200 elo-stig eða stigalausir:

    1. verðlaun: Vönduð skákbók og landsliðstreyja HENSON.
    2. verðlaun: Landsliðstreyja HENSON.
    3. verðlaun: Landsliðstreyja HENSON.

     

    Mótsstig úrskurða verði keppendur jafnir að vinningum í báðum flokkum –  nema í keppni um 1.  sæti í stigahærri flokknum. Þá skal teflt um titilinn:

    Meistari Skákskóla Íslands 2019.

     

    Mótshaldarinn áskilur sér rétt til að gera breytingar á fyrirfram boðaðri dagskrá.

    Aðalstyrktaraðili Meistaramóts Skákskóla Íslands 2019 er GAMMA. 

     

    - Auglýsing -