Fyrstu skák heimsmeistaraeinvígis Magnúsar Carlsen (2835) og Fabiano Caruana (2832) lauk með jafntefli eftir mikla maraþonskák sem var alls 115 leikir!
Skákin hófst á spaugilegan hátt því leikarinn Woody Harrelsen, sem lék fyrsta leikinn, fyrir Fabi misheyrði hvað áskorandinn vildi leika og lék óvart 1. d4 í stað 1. e4. Caruana þurfti að biðja skákstjórann um leiðréttingu! Auk sem sem Woody virðist viljandi fella einn manna Bandaríkjamannsins. Enn í hlutverki gamanleikarans kannski!
Heimsmeistarinn tefldi Sikileyjarvörn sem er ánægjuleg tilbreyting Berlínarvörninni. Held að þetta sé í fyrsta skipi í heimsmeistaraeinvígi að Carlsen svarar ekki 1. e4 gegn e5.
Carlsen fékk fljótlega betri stöðu og virtist vera að innbyrða vinningin í kringum 35. leik í miklu tímahraki Bandaríkjamannsins. Þó fer hins vegar heimsmeistarinn að tefla ónákvæmt og glutraði vinningsstöðunni niður með nokkrum ónákvæmum leijum.
Hér hefði 36…Dg7! þýtt vinningsstöðu. Heimsmeistarinn lék 36…h4? og aftur hér:
38…Hg3! virðist vinna.
Hann reyndi lengi að vinna hróksendatafl með 3 peð gegn tveimur en Caruana var vandanum vaxtinn og hélt jafnteflinu.
Önnur skákin fer fram í dag og hefst kl. 15. Þá hefur Norðmaðurinn hvítt.
Ritstjóri bendir á vandaðar skákskýringar Sam Shankland á Chess.com.
Ingvar Þór Jóhannesson fer yfir skákina á Youtube-vef sínum.
Hvar er best að fylgjast með einvíginu.
- NRK – Sýn býður upp á tilboð fyrir skákmenn – sjá borða efst á Skák.is.
- Heimasíða heimsmeistaraeinvígisins (kostar $20 en hægt að sjá skákmennina sjálfa)
- Beinar útsendingar á Chess24
- Chess.com
- Chessbrah
- Ofurtölvu-skýringar
