FIDE-meistarinn Vignir Vatnar Stefánsson (2293) átti góðan gærdag á Glorney-Gilpert áfangamótinu í Hrafnadal á Írlandi. Vignir vann írska FIDE-meistaranum Tom O´Gorman í fyrri skák dagsins og gerði jafntefli við enska alþjóðlega meistarann Gavin Wall (2311) í þeirri síðari. Vignir hefur 5½ vinning eftir 7 skákir og dugar 1½ í þeim tveim skákum sem tefldar eru í dag til að ná áfanga að alþjóðlegum meistaratitli.
Í fyrri skák dagins, sem nú er í gangi, teflir hann við Írann Darragh Moran (1880) og í þeirri síðari við enska FIDE-meistarann Thomas Wiley (2162).
Yfirlit yfir úrslit mótsins má finna hér.
Um er að ræða „túrbó-mót“. Níu umferðir tefldar á 5 dögum.
Meðalstig flokksins eru 2170 skákstig. Vignir er fjórði stigahæsti keppandi mótsins
- Heimasíða mótsins
- Chess-Results
- Beinar útsendingar (hefjast flestar kl. 9 og 14)
Xtracon-mótið
Jóhann Hjartarsson (2513) og Hilmir Freyr Heimisson (2279) unnu báðir sínar skákir í fimmtu umferð Xtracon-mótsins á Helsingjaeyri sem fram fór í gær. Guðmundur Kjartansson (2470) tapaði.
Jóhann hefur 4 vinninga, Hilmir hefur hefur 3½ vinning og Guðmundur hefur 3 vinninga. Í sjöttu umferð, sem fram fer í dag tefla þeir allir við stigalægri andstæðinga.
Umferð dagsins byrjar kl. 11:15.
- Heimasíða mótsins
- Chess-Results
- Beinar útsendingar (Á ýmsum tímum en flestar kl. 11:15)
Czech Open
Lenka Ptácníková (2074) tapaði í gær og hefur 1 vinning eftir 5 umferðir.
- Heimasíða mótsins
- Chess-Results
- Beinar útsendingar (byrja kl. 13:20)
