Gauti Páll að tafli í Riga. Mynd: Heimasíða mótsins.

Áttunda og næstsíðasta umferð alþjóðlega Riga-mótsins fór fram í gær. Helgi Áss Grétarsson (2412) og Stefan Steingrímur Bergsson (2190) gerðu jafntefli en Guðmundur Kjartansson (2453) og Gauti Páll Jónsson (2057) töpuðu.

Gúmmi og Helgi Áss hafa 4½ vinning, Stefán hefur 4 vinninga og Gauti Páll hefur 2½ vinning.

Lokaumferðin hófst núna í morgun. Mótið er semi-túrbómót. Tefldar eru 9 umferðir á 7 dögum.

Olomouch Chess Summer 2019

Lenka Ptácníková (2089) tekur þátt í alþjóðulegu móti níu umferða móti í Olomouch í Tékklandi dagana 10.-17. ágúst.

Fyrsta umferð fór fram í gær og hóf Lenka mótið með sigri. Tvær umferðir fara fram í dag.

Split Open

Dagana 3.-11. ágúst fer fram alþjóðlega mótið Split Open í Króatíu. Helgi Pétur Gunnarsson (1740), Páll Þórsson (1725) og Iðunn Helgadóttir (1117) taka þátt.

Iðunn vann í gær. og hefur 2½ vinning. Helgi Pétur og Páll töpuðu og hafa 3 vinninga.

Lokaumferðin hófst núna í morgun.

- Auglýsing -