Benedikt Þórisson Austurbæjarskóla vann fimmtánda Skólanetskákmótið með fullu húsi, 7 vinningum. Í öðru sæti varð Iðunn Helgadóttir Landakotsskóla með 6 vinninga og Gunnar Erik Guðmundsson Salaskóla varð þriðji með 5 vinninga.  Erfiðlega gekk að byrja mótið því á nánast sömu sekúndunni og mótið átti að byrja þá hrundi ChessPunkturCom skákþjónninn. Hann komst svo í lag rúmri klukkustund seinna og seinkaði mótinu um 90 mínútur. Það virðist ekki hafa komið að sök því fleiri keppendur (31) tefldu í seinkaða mótinu en skráð höfðu sig í mótið sem hrundi.

Nánar: https://www.chess.com/tournament/live/mai-1-1214489

Síðasta sunnudag fór fjórtánda Skólanetskákmótið fram og þar unnu Gunnar Erik Guðmundsson Salaskóla og Batel Goitom Haile Hólabrekkuskóla eftir að þau komu jöfn í mark með 6.5 vinninga og jafnmörg oddastig. Þriðji varð Arnar Logi Kjartansson Vatnsendaskóla með 5 vinninga.

Nánar: https://www.chess.com/tournament/live/april4-1205554

Teflt var í einum flokki, en sigurvegarar urðu þeir sem náðu bestum árangri í hverjum bekk.

Alls verða mótin sextán í vetur og þeir sem ná bestum árangri keppa um tvo ferðavinninga að verðmæti 50þús fyrir bestan árangur í mótaröðinni. Í þeim potti keppa allir saman. Fyrri ferðavinningurinn er fyrir bestan árangur í tólf bestu mótunum (dregið ef margir verða jafnir að stigum) og sá seinni fyrir bestan árangur í fimm bestu mótunum (dregið ef margir verða jafnir að stigum). Einungis er hægt að vinna einn ferðavinning.

Gefin eru mótaraðarstig í hverju móti þannig að efsti maður í hverjum bekk hlýtur 12 stig, annar maður 10, sá þriðji 8, fjórði 7 og svo áfram niður uns sá tíundi hlýtur 1 stig.

Næsta mót og það síðasta í mótaröðinni verður sunnudaginn 10.mai kl 17:00.

Heimasíða Skólanetskákmóts Íslands 2019-20 er á: https://www.chess.com/club/skolanetskak

Staðan í mótaröðinni

- Auglýsing -