Toppslagur Firouzja hinn landlausi teflir undir fána FIDE í Stafangri. — Morgunblaðið/Heimasíða Altib

Heimsmeistarinn Magnús Carlsen (2863) tryggði sér sigur á Altibox Norway Chess-mótinu í gær þegar hann vann Íranann landflótta, Alireza Firouzja (2728), eftir að sá síðarnefndi hafði leikið afar klaufalega af sér í peðsendatafli. Tíundi mótasigur Magnúsar á árinu 2020 en öll mótin nema mótið nú hafa farið fram á netinu.

Fabiano Caruana (2828) vann Jan Krzysztof Duda (2757). Levon Aronian (2767) vann Aryan Tari (2633) en þurfti til þess bráðabana.

Nánar á Chess.com.

Í lokaumferðinni sem hefst kl. 15 í dag mætast Carlsen–Aronian, Caruana–Tari og Firouzja–Duda

Mótstaflan

Umferðir hefjast kl. 15. Vladmir Kramnik og Judith Polgar eru með skákskýringar.

Fyrirkomulag mótsins

Mótið stendur 5.-16. október. Sex keppendur taka þátt og tefla tvöfalda umferð. Í kappskákinni hafa keppendur klukkustundir á skákina og enginn viðbótartími fyrr en eftir 40 leiki en þá fá keppendur 10 sekúndur á hvern leik. Verði jafntefli verður tefldur bráðabani. Hvítur fær tíu mínútur gegn sjö mínútum svarts. Svörtum dugar jafntefli. Fyrir sigur í hefðbundinni skák eru gefin 3 stig. Fyrir sigur í bráðabana eru gefin 1,5 stig en 1 stig fyrir tap í bráðabana.

- Auglýsing -