Nýjar reglur um samkomutakmarkanir taka gildi á fimmtudaginn, 15. apríl. Það þýðir að starf í raunheimum getur hafist á ný en þó með nokkrum takmörkunum og með miklum kröfum til mótshaldara að gæta vel að sóttvörnum.

Allt að 50 manns eru leyfðir í hólfi í skákstarfsemi.

Það verður stjórnarfundur hjá SÍ á fimmtudaginn þar sem farið verður yfir mótadagskrá sambandsins í vor.

Í minnisblaði Sóttvarnalæknis um íþróttastarf, sem skákstarfsemi fellur undir, segir (feitletranir ritstjóra):

  • Íþróttaæfingar barna og fullorðinna með eða án snertinga í íþróttum innan sem
    utan ÍSÍ verði heimilar. Hámarksfjöldi fullorðinna í hverju hólfi verði 50 manns.
    Sameiginleg búningsaðstaða verði opnuð. Gæta skal að því að búningsaðstaða
    sé þrifin og snertifletir sótthreinsaðir milli hópa. Sameiginleg áhöld verði
    sótthreinsuð eftir notkun og þess gætt að loftræsting sé í lagi og loftað vel út
    nokkrum sinnum yfir daginn.
  • Íþrótta- og ólympíusamband Íslands setur sérsamböndum reglur um sóttvarnir
    og um framkvæmd æfinga og keppna í sínum greinum í samvinnu við
    sóttvarnalækni. Í íþróttum sem ekki tilheyra Íþrótta- og ólympíusambandi
    Íslands skal setja leiðbeiningar eða fylgja sömu leiðbeiningum og sambærilegar
    íþróttir innan sambandsins. [Reglur SÍ má finna hér]
  • Um hámarksfjölda barna á íþróttaæfingum gilda sömu fjöldatakmarkanir og í
    skólastarfi.
  • Íþróttakeppni barna og fullorðinna verði heimilar án áhorfenda. Hámarksfjöldi
    í hólfi hjá börnum og fullorðnum verði 50 manns

Nánar á vef heilbrigðisráðuneytisins. 

- Auglýsing -