Hannes að tafli á Íslandsmóti skákfélaga. Mynd: Ómar Óskarsson.

Stórmeistarinn, Hannes Hlífar Stefánsson (2517) teflir alþjólegu móti í Prag í Tékklandi. Hann hefur byrjað mjög vel en þurfti að sætta sig við jafntefli í gær á móti slóvak­íska alþjóðlega meistaranum Sebastian Plischki (2352).

Hann hefur 5 vinninga að loknum 6 umferðum og hefur vinningsforskot á næstu menn.

Um er að ræða 10 manna lokaðan flokk. Meðalstigin eru 2388 skákstig og er Hannes stigahæstur keppenda.

Guðmundur Kjartansson (2496) teflir á minningarmóti um Najdorf sem fram fer í Varsjá í Póllandi.

Gummi gerði jafntefli við pólska alþjóðlega meistarann Jonasz Baum (2260). Hann hefur 4 vinninga eftir 6 umferðir og er í 20.-41. sæti.

Um er að ræða 174 manna flokk og er Guðmundur níundi í stigaröð keppenda.

- Auglýsing -