Átta skákmenn úr U25 hópnum eru á leiðinni í skákvíking til Tékklands í sumar. Ferðin byrjaði sem hugmynd þriggja af okkar efnilegustu skákmanna, þróaðist svo í hópferð Blika með fulltingi byggingafyrirtækisins MótX og svo bættust smám saman við ferðina fleiri efnilegir skákmenn og taflfélög. Birkir Karl fer sem fararstjóri og þjálfari á fyrsta mótið (Prag Open) í samvinnu Breiðabliks og SSON. Mótin eru nokkuð hagstæð kostnaðarlega þar sem PlayAir flýgur beint og ódýrt til Prag í sumar. Hvert mót er að kosta í kringum 120þús. Tilvalið fyrir fleiri unga skákmenn að slást í för t.d. á Prag Open þar sem boðið er upp á íslenska fararstjórn.

Í kjölfarið á þessari ferð fer svo Gauti Páll á tvö mót í Tékklandi (Czech Open – Pardubice og Sommer Prague Open). Samtals eru þetta fimmtán mót og 135 alþjóðlegar kappskákir á rúmum mánuði, það verður sól í sumar!

Hannes Hlífar vann Prag Open árið 2019 og verður aftur þátttakandi í ár, einnig tekur hann þátt í lokuðum flokki á Ceske Budejovice Chess Festival. Lenka Ptachnikova tekur þátt í Teplice Open ásamt sonum sínum þeim Adam og Jósef.

Prag Open með fararstjórn

10.-17.júní. (flug 9.-19.júní)

IM Vignir Vatnar Stefánsson (19ára) 2496. – Breiðablik

IM Hilmir Freyr Heimisson (21árs) 2323 – Breiðablik

Alexandr Domalchuk-Jónasson (17ára) 2190 – SSON

Alexander Oliver Mai (19ára) 2168 – TR

Benedikt Briem (16ára) 2146 – Breiðablik

Birkir Karl Sigurðsson fararstjóri og þjálfari – Breiðablik

Mót nr 2 (ætluðum á Teplice Open 18.-26.júní, en það fylltist, leit stendur yfir að staðgengilsmóti)

IM Vignir Vatnar Stefánsson (19ára) 2496. – Breiðablik

Festival di Giugno Treviso, Villorba Ítalíu (rétt við Feneyjar) 

20.-26.júní (flug Prag-Feneyjar-Prag 20.-27.júní – einnig hagstætt að fara frá Íslandi í gegnum Mílanó + lest)

IM Hilmir Freyr Heimisson (21árs) 2323 – Breiðablik

Alexander Oliver Mai (19ára) 2168 – TR

Ceske Budejovice Chess Festival

1.-9.júlí. (flug 30.júní -10.júlí)

IM Vignir Vatnar Stefánsson (19ára) 2496. – Breiðablik

IM Hilmir Freyr Heimisson (21árs) 2323 – Breiðablik

Alexander Oliver Mai (19ára) 2168 – TR

Birkir Ísak Jóhannsson (20ára) 2131 – Breiðablik

Arnar Milutin Heiðarsson (19ára) – Breiðablik

Draumurinn er að hægt verði að fara sambærilega skákferð árlega.

- Auglýsing -