Hilmir Freyr Heimisson hefur hálfs vinnings vinningsforskot í Árósum fyrir lokaumferðina. Lenka Ptácníková er í öðru sæti í Prag. Helgi Áss Grétarsson og Vignir Vatnar Stefánsson gerðu jafntefli í gær í Slóvakíu. Alexander Oliver Mai teflir í Sevilla. Héðinn Steingrímsson hefur taflmennsku á morgun á NM í skák.
Slovakia Open Piestany
Sjöunda umferð fór fram í gær.
Helgi Áss Grétarsson (2472) og Vignir Vatnar Stefánsson (2461) gerðu báðir jafntefli í gær. Alexandr Domalchuk-Jonasson (2246) tapaði sinni skák.
Helgi Áss hefur 4½ vinning, Vignir Vatnar hefur 4 vinninga og Aleksandr hefur 3 vinninga.
Áttunda og næstsíðasta umferð hófst núna kl. 8.
64 skákmenn frá 13 löndum taka þátt og þar á meðal sjö stórmeistarar. Mótið fer fram 11.-18. júlí.
Zlata Praha Open
Áttunda og næstsíðasta umferð fór fram í gær.
Lenka Ptácníková (2066) vann, Adam Omarsson (1794) gerði jafntefli en Jósef Omarsson (1606) tapaði.
Lenka hefur 6½ vinning og er í 2. sæti á mótinu. Adam og Jósef hafa 4½ vinning
Lokaumferðin hófst núna kl. 7:30.
34 skákmenn frá 5 löndum taka þátt í mótinu. Mótið fer fram 9.-17. júlí.
Skolernes 50 ára afmælismót
Áttunda og næstsíðasta umferð fór fram í gær.
Hilmir Freyr Heimisson (2281) gerði jafntefli á etsta borði. Björn Hólm Birkisson (2095) tapaði sinni skák.
Hilmir hefur 6½ vinning og hálfs vinnings forskot á næsta mann á mótinu. Björn Hólm hefur 3 vinninga.
Lokaumferðin hófst kl. 8.
22 keppendur taka þátt og þar af 1 stórmeistari og 2 alþjóðlegir meistarar. Mótið fer fram 11.-17. júlí.
- Heimasíða mótsins
- Úrslitaþjónusta
- Engar beinar útsendingar
Ciudad de Sevilla
Alexander Oliver Mai (2159) átti að hefja þátttöku í alþjóðlegu móti í Sevilla á Spáni í gær.
Því miður virðist Chess-Results tengill mótsins ekki virka en líklegast hefur Alex unnið í gær þar sem hann hefur færst upp um borð á Chess24.
Tvær umferðir eru tefldar í dag.
Til leiks eru skráðir 183 skákmenn frá 20 löndum. Mótið fer fram 16.-23. júlí.
NM í skák
Norðurlandamótið í skák fer fram í Jyväskylä í Finnlandi dagana 18.-24. júlí. Mótið er jafnframt Heart of Finland og er opið öðrum en Norðurlandabúum
Héðinn Steingrímsson (2513) verður fulltrúi Íslands í opnum flokki og er áttundi í stigaröð keppenda. Næststigahæstur Norðurlandabúa.
Fyrsta umferð hefst kl. 14 á morgun.
- Heimasíða mótsins
- Chess-Results
- Beinar útsendingar (hefjast ýmist kl. 7, 9 eða 14).
