Héðinn Steingrímsson vann í gær á NM í skák í Finnlandi og hefur 3½ vinning eftir 4 umferðir. Tvær umferðir fara fram í dag. Alexander Oliver Mai vann sína skák í Sevilla. Gauti Páll Jónsson gerði jafntefli við stórmeistara á atskákmóti í Pardubice.
NM í skák
Fjórða umferð fór fram í gær.
Héðinn Steingrímsson (2513) vann finnska FIDE-meistarann Markus Joukhi Yrjö (2280). Héðinn hefur 3½ vinning og er deildu sæti öðru sæti ásamt 13 öðrum.
Tvær umferðir fara fram í dag. Héðinn mætir finnska alþjóðlega meistaranum Mika Karttunen (2484) í fyrri umferð dagsins. Umferðir dagsins hefjast kl. 7 og 14.
Norðurlandamótið í skák fer fram í Jyväskylä í Finnlandi dagana 18.-24. júlí. Mótið er jafnframt alþjóðlega mótið Heart of Finland og er opið öðrum en Norðurlandabúum. Mótið er haldið í Finnlandi í tilefni af 100 afmæli sambandsins. Þátt taka 138 skákmenn frá 14 löndum. Þar af eru 10 stórmeistarar og 9 alþjóðlegir meistarar. Tefldar eru 9 umferðir. Héðinn er áttundi í stigaröð keppenda og næststigahæstur Norðurlandabúa.
Björgvin Jónas Hauksson (1739) gerði jafntefli í gær í flokki öldunga og hefur hálfan vinning.
- Heimasíða mótsins
- Chess-Results
- Beinar útsendingar (hefjast ýmist kl. 7, 9 eða 14).
Ciudad de Sevilla
Sjötta umferð fór fram í gær.
Alexander Oliver Mai (2159) vann í gær Spánverja (1965) og hefur 4 vinninga.
Í sjöundu umferð, sem fram fer í dag, teflir hann spænska alþjóðlega meistarann Juan Plazuelo Pascual (2448).
Þátt taka 177 skákmenn frá 20 löndum og þar af eru 6 stórmeistarar og 19 alþjóðlegir meistarar. Mótið fer fram 16.-23. júlí. Tefldar eru 9 umferðir.
Czech Open
Gauti Páll Jónsson (2043) hóf í gær þátttöku á atskákmóti sem er hluti Czech Open hátíðarinnar.
Gauti hefur 2½ að loknum þremur umferðum. Hann gerði jafntefli við króatsíska stórmeistarann Bogdan Lalic (2441) í gær. Síðustu sex umferðirnar fara fram í dag.
Kappskákmótin hefjast svo á morgun. Þar taka fjórir Íslendingar þátt.
