Gríðarleg spenna er á Skákþingi Reykjavíkur. Þrír skákmenn eru efstir og jafnir með 5 vinninga eftir sjöttu umferð sem fram fór í gær. Það eru alþjóðlegi meistarinn Vignir Vatnar Stefánsson (2458), FIDE-meistarinn Aleksandr Domalchuk-Jonasson (2352) og Benedikt Briem (2100).
Vignir vann forystusauðinn Arnar Milutin Heiðarsson (2032), Aleksandr lagði nafna sinn Alexander Oliver Mai (2119) að velli og Benedikt hafði afar laglegan sigur á Davíð Kjartanssyni (2293).
Sjöunda umferð fer fram á sunnudaginn. Tengill á pörun verður birt þegar hún liggur fyrir.
- Auglýsing -