Maímótaröð TR og TG
Það eru tvö skákfélög á Höfuðborgarsvæðinu sem halda opin reiknuð mót í hverri viku, Taflfélag Reykjavíkur og Taflfélag Garðabæjar. Þau vinna nú saman að því að fjölga iðkendum á báðum stöðum!
Það verða 14 skákkvöld í mánuðinum hjá félögunum, 10 hjá TR, 4 hjá TG.
Skákkvöld TG eru á mánudögum klukkan 19:30. Hraðskák alla jafna en síðasta mánudagskvöld hvers mánaðar er tefld atskák. Mótin fara fram í Miðgarði, Garðabæ.
Þriðjudagsmót TR fara fram klukkan 19:30, atskák. Fimmtudagsmót TR fara fram klukkan 19:30, hraðskák. Mótin fara fram í félagsheimili Taflfélags Reykjavíkur, Faxafeni 12.
Stigagjöfin verður í anda Eurovision. Svona verða stigin eftir sætum, frá fyrsta og niður: 12, 10, 8, 7, 6, 5, 4, 3, 2, 1.
8 bestu mótin gilda en maður verður að mæta að minnsta kosti tvisvar á hvorn stað (TR/TG) til að geta tekið þátt í stigakeppninni.
Fyrsta sæti í stigakeppninni er óskipt, 30.000 króna verðlaun. Fyrsta oddastig er flestir sigrar. Annað oddastig eru flest mót.
Mótin:
Skákkvöld TG
6. maí lokið: https://chess-results.com/tnr936132.aspx?lan=1&art=1
13. maí í kvöld!
20. maí (fellur e.tv niður, annar í hvítasunnu)
27. maí
3. júní (gildir aðeins ef mótið fellur niður 20. maí)
Þriðjudagsmót TR
7. maí lokið: https://chess-results.com/tnr936520.aspx?lan=1&art=1&rd=5
14. maí
21. maí
28. maí
Fimmtudagsmót TR
2. maí lokið: https://chess-results.com/tnr933923.aspx?lan=1&art=1&rd=10
9. maí lokið: https://chess-results.com/tnr937491.aspx?lan=1&art=1&rd=10
16. maí
23. maí
30. maí
Auk þess fer fram Meistaramót Truxva mánudaginn 20. maí í TR, annan í hvítasunnu, og verður það hluti af stigakeppninni. Mótið hefst 19:30 um kvöldið.
