Um 50 skákmenn mættu til leiks síðastliðna helgi en þá hélt VignirVatnar.is hraðskákmót í samstarfi við BIRD, veitingastað í miðbæ Reykjavíkur. Mótið heppnaðist vel, mæting fín og góð og alvöru miðbæjar- og hraðskákstemmning!
Nokkrir titilhafar mættu til leiks og var barátta þeirra hörð. Lykilsigrar hjá Arnari Gunnarssyni gegn alþjóðlega meistaranum Degi Ragnarssyni í 7. umferð og svo stórmeistaranum Braga Þorfinnssyni í 8. umferð tryggðu honum enn einn mótasigurinn í hraðskák.
Annað sætið kom í hlut Aleksandrs Domalchuk-Jonassonar sem átti fínt mót.
Þriðja sætið, lægri á stigum kom í hlut Dags Ragnarssonar.
Sem fyrr voru ýmis aukaverðlaun. Hlutskarpastur U-2000 var Sverrir Hákonarson.
U16 verðlaun runnu til Sigurðar Páls.
Hlutskarpastur stigalausra varð Bjarki Páll Bergsson
Loks hlaut Iðunn Helgadóttir kvennaverðlaun
BIRD fá þakkir en þar er skemmtilegur staður á ferð þar sem gamli Frederiksen var til húsa. Keppendur hlutu gjafabréf á staðinn en hægt er að fá alvöru gourmet samlokur á BIRD!
Vinningshafar hlutu einnig áskriftarverðlaun á VignirVatnar.is.
Myndir frá mótinu:
Skipulag var í höndum VignirVatnar.is og skákstjórn í höndum Ingvars Þórs Jóhannessonar.
