Skákmótaröðin í Stokkhólmi lauk í gær með tveimur lokaumferðum í GM-flokknum og einni í IM-flokki. Þrír íslenskir keppendur luku þar erfiðri baráttu með mikið af tvöföldum umferðum og álagi!
Vignir Vatnar klárar rólega – Niðurstaðan þó 2. sæti í GM-flokki
Vignir Vatnar Stefánsson (2528) var í baráttu um toppsæti allt mótið og eftir tvö jafntefli á lokadeginum (við IM Talukdar og FM Hirneise), lauk hann keppni með 6 vinninga af 10 – jafnt og GM Platon Galperin en með betri oddastig og 2. sæti að launum.
Sivuk vann flokkinn með 7 vinningum, og þó Vignir hafi misst af efsta sætinu, þá var þetta mjög traust mót, þar sem hann tapaði aðeins einni skák og gerði fimm jafntefli – meðal annars tvö gegn sterkum stórmeisturum.
í lokaumferðinni var fyrst jafntefli við IM Talukdar þar sem Vignir þurfti á köflum að berjast fyrir jafnteflinu í langri og strangri skák.
Lokaskákin hans við Hirneise var tiltölulega róleg – Alapin-afbrigði gegn Sikileyjarvörn – en Vignir ruggaði engum bátum, líklegast þreyttur eftir fyrri skák dagsins og baráttuna undanfarnar vikur.
Lokaniðurstaðan hjá Vigni eins og áður sagði 6 vinningar en 7 elóstig fóru í vaskinn á þessu móti.
- Flokkur Vignis á chess-results
- Skákir GM flokks á lichess | chess.com
IM-flokkurinn: Hilmir féll úr baráttu á lokasprettinum
Hilmir Freyr Heimisson (2350) hafði verið í mjög góðri stöðu eftir 6 umferðir, en tapaði tveimur af síðustu þremur. Tap í lokaumferðinni við FM Carl Cederstam reyndist dýrt – sérstaklega eftir að Hilmir missti tökin á skákinni í miðtaflinu í spænska leiknum.
Hann lauk þó keppni með 5,5 vinninga af 9, eins og Aleksandr, og varð í 5. sæti. Þrátt fyrir sársaukafullt lokatap var þetta heilt yfir gott mót hjá Hilmi sem stóð sig frábærlega í byrjun og sýndi að hann getur bæði barist um efstu sæti og teflt skemmtilega skákir.
Lokaskák Hilmis:
Lokaskák Aleksandr:
Okkar með enduðu báðir með 5,5 vinning í 3-5. sæti og tefldu báðir nokkurn veginn á pari, tapi einu og tveim stigum.
- IM flokkurinn á chess-results
- Skákir IM-flokks á lichess | chess.com
Lokastaða íslensku keppendanna:
GM-flokkur:
2. sæti – GM Vignir Vatnar Stefánsson – 6/10
IM-flokkur:
4. sæti – IM Aleksandr Domalchuk-Jónasson – 5,5/9
5. sæti – IM Hilmir Freyr Heimisson – 5,5/9
Að lokum…
Vignir heldur áfram að sýna að hann er á meðal sterkustu stórmeistara Norðurlanda, og bæði Hilmir og Aleksandr sanna að þeir eru í landsliðsklassa.
Við fylgjumst með framhaldinu – næstu mót eru rétt handan við hornið.
