Skákdeild Breiðabliks hefur vetrarstarf sitt þriðjudaginn 1. september og samhliða fer nýtt skákstarf af stað í Kórnum á vegum HK.
Skákæfingar standa því til boða fyrir börn og unglinga í öllum hverfum Kópavogs í vetur og öll eru velkomin, byrjendur jafnt sem lengra komin.
Framundan er spennandi vetur, stútfullur af æfingum, mótum og viðburðum fyrir alla aldurshópa. Á bak við starfið stendur öflugt þjálfarateymi sem hlakkar til að taka á móti bæði nýjum og reyndum skákkrökkum.
Æfingar Breiðabliks fara fram í Stúkunni við Kópavogsvöll en æfingar HK í veislusalnum í Kórnum. Það gerir krökkum í Kórahverfinu loksins kleift að æfa skák í sínu hverfi, beint eftir skóla.
Æfingatafla Breiðabliks í Stúkunni við Kópavogsvöll
Yngri hópur
1.–3. bekkur, árg. 2018–2020
- Mánudagar kl. 16:30–17:30
- Laugardagar kl. 10:00–11:00
- Þjálfari: Markús Orri
- Skráning
Eldri hópur
4. bekkur og eldri, árg. 2014–2017
- Þriðjudagar kl. 17:00–18:30 – Markús Orri
- Fimmtudagar kl. 17:30–19:00 – Gunnar Erik
- Föstudagar kl. 17:00–18:30 – Gunnar Erik og Þorsteinn Jakob
- Skráning
Framhaldshópur
Lengra komin í 5.–10. bekk
- Mánudagar kl. 17:30–19:00 – Gunnar Erik
- Miðvikudagar kl. 17:30–19:00 – Þorsteinn Jakob
- Föstudagar kl. 17:00–18:30 – sameiginleg æfing með eldri hópi
- Skráning
8. bekkur og eldri
Árg. 2013 og eldri
- Laugardagar kl. 11:00–12:30
- Þjálfari: Gunnar Erik
- Skráning
U20 / afrekshópur
20 ára og yngri, árg. 2007 og síðar
- Mánudagar kl. 19:15–21:00
- Miðvikudagar kl. 19:15–21:00
- Þjálfari: Birkir Ísak
- Skráning kemur fljótlega
Skákæfingar HK í veislusalnum í Kórnum
Yfirþjálfarinn Benedikt Briem sér um kennsluna í Kórnum og fyrstu tvær vikurnar verða fríar prufuæfingar.
Hópur 1
Börn fædd 2019–2020
- Þriðjudagar kl. 14:00–15:00
- Miðvikudagar kl. 14:00–15:00
- Skráning
Hópur 2
Börn fædd 2014–2018
- Miðvikudagar kl. 15:00–16:00
- Föstudagar kl. 15:00–16:00
- Skráning
„Við viljum að hvert einasta barn í Kópavogi sem langar að læra skák eigi æfingu í göngufæri. Metnaðurinn í vetur er einfaldur: engin æfing fellur niður og öllum líður vel við borðið,“ segir Benedikt Briem, yfirþjálfari skákdeildar Breiðabliks.
Engin reynsla er nauðsynleg og öll eru velkomin að kíkja á æfingu og prófa.
Einkunnarorð starfsins í vetur eru:
Vinátta · Gleði · Vinnusemi
