Fréttir

Ólympíuskákmótið er hafið í Samarkand – Ísland mætir Brúnei og Kambódíu í fyrstu umferð

Eftir

16. september, 2026

108

Fyrsta umferð 46. Ólympíuskákmóts FIDE hófst í dag, miðvikudaginn 16. september, klukkan 10:00 í Samarkand í Úsbekistan. Mótið fer fram í Silk Road International Exhibition Centre og stendur til 27. september. Ellefu umferðir eftir svissneska kerfi.

Beinn tengill á skákir Íslendinga alltaf!

Ísland sendir bæði lið í opinn og kvennaflokk. Liðið er í 48. sæti á styrkleikalistanum með meðalstigin 2455. Kvennalið Íslands er í 80. sæti með meðalstigin 1953. Liðsstjóri opna flokksins er GM Helgi Ólafsson, sem er að mæta á sitt 21. ólympíuskákmót. Liðsstjóri kvennaliðsins er FM/FT Ingvar Þór Jóhannesson.

Bandaríkin er stigahæstir í opna flokknum (meðalstig 2753), Ólympíumeistarar Indlands í öðru sæti sem tvöfaldir meistarar frá Búdapest 2024 og heimalandið Úsbekistan í þriðja. Indland er efst í kvennaflokki. Alls taka þátt um 400 lið sem er met. Þar á meðal Græland sem teflir í fyrsta skipti

Opinn flokkur: Ísland – Brúnei

Í fyrstu umferð mætir Ísland Brúnei (upphafssæti 152). Ísland er sterkara á pappírnum á öllum borðum. GM Guðmundur Kjartansson hvílir

Borðapörun 1. umferðar (opinn flokkur):

Borð	Ísland	Einkunn	Andstæðingur	Einkunn
1	GM Vignir Vatnar Stefánsson	2531	CM Pg Md Omar Ak Hafizon	2100
2	IM Hilmir Freyr Heimisson	2342	Muhammad Ahsanuddien Badarudin	1850
3	GM Jóhann Hjartarson	2461	Rodney Lim Teck Guan	1902
4	GM Hannes Hlífar Stefánsson	2425	Ahmad Akmal	1843

Kvennaflokkur: Ísland – Kambódía

Kvennalið Íslands mætir Kambódíu. WGM Lenka Ptáčníková, sem er efst á liðsskrá Íslands, situr hjá í fyrstu umferð.

Borðapörun 1. umferðar (kvennaflokkur):

Borð	Ísland	Einkunn	Andstæðingur	Einkunn
1	WFM Hallgerður Helga Þorsteinsdóttir	1995	Rose Ann Flores	–
2	WFM Guðrún Fanney Briem	1865	Soporpatey Phon	1437
3	WCM Iðunn Helgadóttir	1869	Sophary Chea	–
4	Hrund Hauksdóttir	1817	Chanthy Nov	–

Tímamörk eru 90 mínútur fyrir 40 leiki, síðan 30 mínútur til viðbótar, auk 30 sekúndna bónus frá fyrsta leik. Lið fær 2 stig fyrir sigur í viðureign og 1 stig fyrir jafntefli. Eftir 11 umferðir ræður stigafjöldi liða.