Ólympíuskákmótið í Samarkand er í fullum gangi og hefur að mestu gengið vel. Þegar fólk kom þangað í upphafi voru þó ýmis vandamál varðandi akstur og hótel. En þegar mótið hófst leystist flest.
Skákstaðurinn er glæsilegur. Helgi Ólafsson, liðsstjóri i í opnaflokki, sagði mér að þetta væri besti skákstaður sem hann hefði nokkurn tíma verið í. Sýningarsvæðið og stemmning íatgóð. Allt í allt er þetta mót mjög gott í samanburði við fyrri ár.
Vissulega komu upp ýmis vandræði við mótshaldið varðandi flutning í byrjun, en þau hafa minnkað og allt virkar nú vel. Ég læt aðra fjalla um keppnina sjálfa, en það sem margir vilja vita er spennandi kosningarnar um forseta FIDE.
Þrír frambjóðendur í forsetakjöri
Þrír frambjóðendur eru í kjöri: Timur Turlov, forseti Skáksambands Kasakstan og stofnandi Freedom Holding; Wadim Rosenstein, stofnandi WR Chess; og Jan Henric Buettner, þýskur frumkvöðull og meðstofnandi Freestyle Chess. Á listum þeirra standa einnig Viswanathan Anand, Gordon Tang og Malcolm Pein sem varaforsetaefni.
Flestir hér eru nokkuð vissir um að Turlov vinni þetta. Kosningarnar fara fram þann tuttugasta og sjötta september, þannig að þær eru eftir nokkra daga. Það gengur mikið á alls konar ásakanir á hvern annan, ásakanir um að menn noti tengsl til að fá vegabréfsáritanir. Hvort sem það er rétt eða ekki veit ég ekki, en þetta verður gríðarlega spennandi.
Skák.is spáir því að Timur Turlov frá Kasakstan verði næsti forseti FIDE og vinni þegar sigur í fyrstu umferð. Hann hefur margt með sér – hefur byggt upp sterka skákhreyfingu í Kasakstan (yfir 100 starfsmenn) og fjárfest gríðarlega í skák ekki síst í skólaskák eins og t.d. nemendur í Hvaleyrar- og Vesturbæjarskóla þekkja. Og er gríðarlega áhugasamur um stuðning við opin skákmót eins og Reykjavíkurskákmótið.
Skák.is mun hafa puttann á púlsinum.
